မဲခေါင်၊ မေ ၁
ဧပြီ ၂၉ ရက်က ယူကရိန်းနိုင်ငံ ပယ်လယ်နက်ကမ်းခြေ အော်ဒက်ဆာမြို့က အထင်ကရ ဥပဒေရေးရာ တက္ကသိုလ် ဖြစ်တဲ့ ဟယ်ရီပေါ်တာရဲတိုက်ကြီးဟာ ရုရှားပစ်ခတ်တဲ့ ကလက်စတာဗုံးတွေကြောင့် မီးလောင်ပျက်စီးသွားတဲ့ ရုပ်သံမှတ်တမ်းတွေ ထွက်ပေါ်လာခဲ့ပြီဖြစ်ပါတယ်။
ဒီတိုက်ခိုက်မှုဟာ ရုရှားရဲ့ Iskander တိုက်ချင်းပစ် ဒုံးကျည်မှာ ကလက်စတာဗုံးအများကြီးပါတဲ့ ထိပ်ဖူးတွေတပ် ပြီးတိုက်ခိုက်တာဖြစ်ကြောင်းနဲ့ ၅ ယောက်သေ၊ ၃၂ ယောက်ဒဏ်ရာရမှုမှာ ကလေး ၂ ယောက်နဲ့ ကိုယ်ဝန်ဆောင် တစ်ယောက်ပါပါဝင်ပြီး ၇ ဦးဒဏ်ရာက စိုးရိမ်ရတယ်လို့ ယူကရိန်းအစိုးရရှေ့နေချုပ်ကော်စတင်က ထုတ်ပြန်ပြောဆိုသွားပါတယ်။
ဒဏ်ရာရသူတွေထဲမှာ အရပ်အခေါ် ဟယ်ရီပေါ်တာရဲတိုက်ဖြစ်တဲ့ ဥပဒေတက္ကသိုလ်ကို ၁၉၉၇ မှာ ထူထောင်ခဲ့တဲ့ ယူကရိန်းလွှတ်တော်အမတ်ဟောင်း ဆာဟီကီဗဲလော့ဗ်လည်းပါဝင်ကာ ကမ်းခြေဒေသ အဆောက်အအုံများစွာ လည်း မီးလောင်ပျက်စီးမှုဒဏ် ခံခဲ့ရတာမြင်တွေ့ရပါတယ်။
ရုရှားသုံးတဲ့ ကလက်စတာဗုံးဟာ ဆင့်ပွားကွဲထွက်ပြီး အချင်း ၁ . ၅ ကီလိုမီတာအထိ ကျရောက်ပေါက်ကွဲမီး လောင်တာဖြစ်လို့ ဒုံးကျည်အပျက်အစီးအပိုင်းအစတွေကို စုဆောင်းပြီး အပြစ်မဲ့ အများပြည်သူများများသေစေဖို့ ရည်ရွယ်တိုက်ခိုက်တဲ့ ရုရှားလုပ်ရပ်ကို အရေးယူနိုင်ဖို့ ကြိုးစားမယ်လို့ ရှေ့နေချုပ်က ဖွင့်ဟသွားပါတယ်။
ရုရှားဟာ ယူကရိန်းစစ်အတွင်း ကလက်စတာဗုံးတွေကို အကြိမ်ရာချီသုံးခဲ့ပြီး ဒီဗုံးတွေဟာ လူအစုလိုက်အပြုံ လိုက်သေစေတဲ့ လက်နက်ဖြစ်လို့ မသုံးဖို့ ၂၀၀၈ ကွန်းဗန်းရှင်းမှာ ပြဌာန်းခဲ့ပေမယ့် ရုရှားရော ယူကရိန်းပါ ဒီ အဆိုမှာလက်မှတ်ရေးထိုးခဲ့ခြင်းမရှိခဲ့ပါဘူး။
Ref:Thesun
MKF-001
