မဲခေါင်၊ ဧပြီ ၃၀
ယူနိုက်တက်ကင်းဒမ်း (ယူကေ) ထောက်လှမ်းရေးအဖွဲ့က ယူကရိန်းစစ်အတွင်း ရုရှားဘက်က စစ်သည် ၄၅၀၀၀၊ တင့်ကားအပါယာဉ်ပေါင်း ၃၀၀၀ ကျော်နဲ့ လေယာဉ်ပေါင်း ၅၀၀ ကျော် ပျက်ဆီးဆုံးရှုံးခဲ့တယ်လို့ ထုတ်ပြန်သွားပါတယ်။
ယူကရိန်းကျူးကျော်စစ်ကို လွန်ခဲ့တဲ့ ၂ နှစ်ကတည်းက ရုရှားတိုက်ခိုက်ခဲ့တာကြောင့် ဒီနှုန်းနဲ့တွက်ရင် တစ်ရက် စစ်သည် ၅၆၀ နှုန်း သေကြေပျက်စီးရတာဖြစ်သလို တန်ကြေးမြင့်တင့်ကားပေါင်း ၃၀၀၀ ကျော် ဆုံးရှုံးတယ်ဆိုတဲ့အရေအတွက်ဟာ ရုရှားသမ္မတ ပူတင်အတွက် အထိနာလွန်းစရာဖြစ်ခဲ့ပါတယ်။
အရင် ဗြိတိန် ကာကွယ်ရေးဝန်ကြီးဌာနက ခန့်မှန်းထားတဲ့ ရုရှားစစ်သည်တွေ သေဆုံးနှုန်းထက် အခု ထုတ်ပြန်တဲ့ သေဆုံးနှုန်း ဟာ ၁၀၀၀၀၀ ပိုများနေပြီး တင့်ကား ၃၀၀၀ ကျော်အပြင် သံချပ်ကာ ကား ၁၀၀၀၀၊ သင်္ဘောနဲ့ မော်တော်ဘုတ် ၂၃ စင်းအပြင် လေယာဉ် ၁၀၉ စီး၊ ဒရုန်း ၃၄၆ စင်း၊ ရဟတ်ယာဉ် ၁၃၆ စင်း စုစုပေါင်းလေယာဉ် အစီး ၅၀၀ ကျော် ပျက်စီးသွားတာလို့ ခိုင်ခိုင်မာမာ ထုတ်ပြန်သွားပါတယ်။
ပြီးခဲ့တဲ့ ၂ လအတွင်း ရုရှားစစ်သား သေကြေပျက်စီးမှုကိုပဲကြည့်ရင် တစ်ရက် စစ်သည် ၁၃၀၀ နှုန်း သေကြေပျက် စီးရပြီး မနှစ်က နှစ်ကုန်ပိုင်းမှာ ပူတင်ရဲ့ ကြေးစားမျိုးချစ်စစ်တပ် ဝက်ဂ်နာအုပ်စုရဲ့ တပ်သားတွေဟာ စစ်မျက်မှာ ပြင်မှာ အသက်စွန့်ပြီးလှိုင်းလုံးသဖွယ် စစ်ဆင်ရေးလုပ်လို့ ၂၀၀၀၀ ကျော်သေ၊ ၄၀၀၀၀ ကျော်ဒဏ်ရာရခဲ့တယ်လို့လည်း ဆိုပါတယ်။
ဒါပေမဲ့ ဗြိတိန်စစ်မှုထမ်းဟောင်း ဘန်ဘာရီက ရုရှားတပ်တွေ ယူကရိန်းစစ်မြေပြင်မှာ ဒီလောက် သေကြေပျက်စီး နေရပေမယ့်လည်း သူတို့ဆီမှာ ဒီနှုန်းအထိုင်းနောက်ထပ် ၂ နှစ်ကနေ ၃ နှစ်အထိ ထပ်ပြီး သေကြေပေးဆပ်နိုင် စရာ စစ်သည်နဲ့ လက်နက်ရင်းမြစ်တွေ ကျန်နေသေးတယ်လို့ သုံးသပ်ပြောကြားသွားပါတယ်။
ဖေဖော်ဝါရီလ တုန်းက ယူကရိန်းသမ္မတ ဇီလန်းစကီးပြောကြားမှုမှာတော့ ဒီစစ်ပွဲအတွင်း ယူကရိန်းစစ်သား ၃၁၀၀၀ သေဆုံးခဲ့ တယ်လို့ ဆိုပေမယ့် အမေရိကန်အခြေစိုက် နယူးယောက်တိုင်းမ်း သတင်းမှာတော့ ၇၀၀၀၀ အထိ သေဆုံးခဲ့ဖွယ် ရှိတယ်လို့ ခန့်မှန်းထုတ်ပြန်သွားပါတယ်။
Ref:Thesun
MKF-001
