မဲခေါင်၊ ဖေဖော်ဝါရီ ၁
ဒီဇင်ဘာလကတည်းက အစ္စရေးဟာ ဂါဇာမြောက်ပိုင်းဒေသက ဟားမက်စ်တပ်တွေ အကြမ်းဖက်မှုအတွက် အသုံးချဖို့ ၁၆ နှစ်ကြာ စီမံကိန်းချ ထူးဖော်ထားတဲ့ မြေအောက်ဥမင်ကွန်ရက်ကို ပင်လယ်ရေတွေ မောင်းသွင်းပြီး ချေမှုန်းဖို့စီစဉ်နေကြောင်း သတင်းထွက်ခဲ့ပေမယ့် ခုမှ တကယ် ဒီစနစ်ကိုသုံးပြီး ဥမင်ထဲ ရေတွေသွင်းနေပြီလို့ အစ္စရေး စစ်တပ်က ဇန်နဝါရီ ၃၀ ရက်နေ့မှာ အတည်ပြုထုတ်ပြန်ပါတယ်။
အောက်တိုဘာ ၇ ရက်နေ့က ဟားမက်စ်တပ်တွေဟာ ဒီဥမင်တွေထဲကနေ အစ္စရေးနယ်စပ်ဖြတ်ကျော် ဝင်ရောက် ပြီး လူပေါင်း ၁၃၀၀ ကျော်ကို သတ်ဖြတ်၊ ရာနဲ့ချီသူတွေကို ဓားစာခံအဖြစ် ပြန်ပေးဆွဲသွားခဲ့ပါတယ်။ အဲဒီအချိန် ကတည်းက အစ္စရေးဟာ ဟားမက်စ်ရဲ့ ၁၆ နှစ်ကြာ စီမံကိန်းချခဲ့တဲ့ ဂါဇာတစ်ဝန်းမြေအောက် ဥမင်ကွန်ရက်ဟာ ဥမင်ပေါင်း ၁၃၀၀ ကျော်၊ ကျယ်ပြန်မှုအဖြစ် မိုင် ၃၁၀ အထိ ကွန်ရက်ဖွဲ့ထားကြောင်း ထုတ်ပြန်ခဲ့ပါတယ်။
ဒီလို ဥမင်တွေထဲကို ပင်လယ်ရေတွေ မောင်းသွင်းရင် အရပ်သားပြည်သူတွေ၊ ဖမ်းဆီးခံ ဓားစာခံတွေအသက်အန္တရာယ် ရှိနိုင်တယ်လို့ သတိဝိုင်းပေးကြပေမယ့် အစ္စရေးစစ်တပ်က “အခု အကြမ်းဖက်သမားတွေရဲ့ ဥမင်တွေထဲ ရေမောင်းသွင်းမှု စလုပ်နေပါပြီ။ သင့်တော်တဲ့ နေရာတွေကို ရွေးချယ်ပြီး စနစ်တကျလုပ်တာဖြစ်ပါတယ်” လို့ ထုတ်ပြန်သွားပါတယ်။
ဒီဇင်ဘာလက အစ္စရေးတပ်ဟာ ဂါဇာက ဥမင် ၅၀၀ ကျော်ကို ဖောက်ခွဲဖျက်ဆီးနိုင်ခဲ့ပြီးဖြစ်တယ်လို့ ကြေညာခဲ့ ပေမယ့် ကျန်ရှိနေသေးတဲ့ ဥမင်တွေဟာ တစ်ဝက်ကျော်မက ရှိနေသေးပြီး ဟားမက်စ်တွေဟာ အစ္စရေးတပ်တွေ ကို မြေပြင်စစ်ပွဲသာမက ဥမင်တွင်း ဝင်လာစေဖို့ မျှားခေါ်မှုတွေ လုပ်နေခဲ့တာကို အစ္စရေးက ထောင်ချောက်ထဲ မဝင်ဘဲ ရေမောင်းသွင်းတဲ့ ဗျူဟာကို သုံးရတာဖြစ်တယ်လို့ ထုတ်ပြန်သွားပါတယ်။
Ref:Thesun
#MeKongNews
#ဂါဇာ
#ပင်လယ်ရေ
#ထည့်သွင်း