မဲခေါင်၊ ဒီဇင်ဘာ ၆

အစ္စရေး-ဟားမက်စ် စစ်ပွဲကြောင့် ဘာသာရေးအစွဲနဲ့ မုန်းတီးမှုမှုခင်းတွေတိုးလာတာကြောင့် ခရစ္စမတ်ကာလအတွင်း အကြမ်းဖက်တိုက်ခိုက်မှုတွေ အများအပြားရှိလာနိုင်လို့ လုံခြုံရေးစားရိတ် ပေါင် ၂၆ သန်း တိုးမြှင့်သုံးစွဲ မယ်လို့ ဥရောပကော်မရှင်က ထုတ်ပြန်ကြေညာပါတယ်။

ပြီးခဲ့တဲ့ ဒီဇင်ဘာ ၂ ရက်နေ့က ပဲရစ်က အီဖယ်မျှော်စင်မှာ ၂၄ နှစ်အရွယ် ဂျာမန်-ဖိလစ်ပိုင်သွေးနှော ကောလင်း ကို ISIS ထောက်ခံသူ အာမက်ရာဂျက်ပေါ်မီယန်ဒိုအက်ဘ် (၂၆ နှစ်) က သေတဲ့အထိ ဓားနဲ့ထိုးသတ်ခဲ့ပြီး အင်္ဂလန်နိုင်ငံသားတစ်ဦးကိုလည်း ဒဏ်ရာရစေအောင် မီးဖိုချောင်သုံးဓားနဲ့ တူကို ကိုင်စွဲလို့ အလာဟူ အက္ကဘာလို့ အော်ဟစ်နေခဲ့တဲ့တာဖြစ်ပါတယ်။

တရားခံဟာ အီရန်နိုင်ငံမိသားစုက ပေါက်ဖွားလာပြီး အရင်က လည်း ပဲရစ်မြို့ပြင်မှာ အကြမ်းဖက်ဖောက်ခွဲတိုက်ခိုက်ဖို့ ကြံစည်မှုနဲ့ ဖမ်းဆီးခံခဲ့ရသေးသူဖြစ်ပါတယ်။

ဒီတိုက်ခိုက်မှုမတိုင်ခင် အသက် ၁၅ နှစ်နဲ့ ၁၆ နှစ်သာရှိသေးတဲ့ ကောင်လေးနှစ်ယောက်ဟာ ခရစ္စမတ် ဈေးပွဲ နားမှာ အစ္စလာမ္မစ်အကြမ်းဖက်တိုက်ခိုက်ဖို့ ကြံစည်မှုသံသယနဲ့ ဂျာမန်ရဲတပ်ဖွဲ့ရဲ့ ဖမ်းဆီးခြင်းခံခဲ့ရပါသေး တယ်။

နောက်ထပ် အသက် ၂၀ အရွယ် အီရတ်နိုင်ငံသား လူငယ်တစ်ယောက်ဟာလည်း ဟန်နိုဗာမြို့နားက ခရစ္စမတ် ဈေးပွဲနားမှာ တိုက်ခိုက်ဖို့ စီစဉ်မှုကြောင့် ဂျာမနီရဲတွေက လက်ဦးမှုရယူကာ ဖမ်းဆီးခဲ့ရပါသေးတယ်။

ဥရောပပြည်ထဲရေးကော်မရှင်နာ ယီလ်ဗာဂျိုဟန်ဆန်က အစ္စရေးနဲ့ဟားမက်စ် စစ်ပွဲဖြစ်ပွားပြီးကတည်းက လူမှု အသိုင်းအဝိုင်းတွေထဲ အမုန်းတရားတွေနဲ့သွေးကွဲမှုပိုများလာကြောင်း၊ ခရစ္စမတ်နဲ့ နှစ်ကူး အားလပ်ရက် ပွဲတော် တွေမှာ အကြမ်းဖက်တိုက်ခိုက်မှုတွေဟာ ဩစတြီးယား၊ ဘယ်လ်ဂျီယံ၊ ပြင်သစ်၊ စပိန်နဲ့ ဆွီဒင်နိုင်ငံတွေမှာ အထူးသဖြင့် ပိုမိုမြင့်တက်လာနိုင်လို့ လုံခြုံရေးအသုံးစားရိတ်ကို ပေါင် ၂၆ သန်း ထပ်မံတိုးမြှင့်သုံးစွဲခွင့်ပြုလိုက်ကြောင်း ရှင်းလင်းပြောကြားသွားပါတယ်။

Ref:Thesun
MKF-001

#MeKongNews

#ဥရောပ

#လုံခြုံရေး

#တိုးမြှင့်

#အစ္စရေး

#ဟားမက်စ်

(လွတ်လပ်သည့် မီဒီယာအဖြစ် ရေရှည်ရပ်တည်နိုင်ရေး သင်တို့အကူအညီလိုအပ်နေပါသည်။ ဤနေရာတွင် www.mekongnewsmm.com/donation နှိပ်၍ လှူဒါန်းနိုင်ပါသည်)