မဲခေါင်၊ ဩဂုတ် ၄
ကိုယ်ပိုင် အဝေးပြေးဒရုန်း (Fixed-Wing UAV) ထုတ်လုပ်ဖို့ ပြုလုပ်တဲ့ “အဲဒိုပေါ်မီ မိစ္ဆာနှင်ပွဲ” ကမ်ပိန်းဟာ သတ်မှတ် ကာလအတွင်း အမေရိကန်ဒေါ်လာ တစ်သိန်းကျော် ရရှိတာကြောင့် အောင်မြင်ခဲ့တယ်လို့ KNDF- UAV ဌာနက ထုတ်ပြန်ပါတယ်။
ကမ်ပိန်း နောက်ဆုံးရက်ဖြစ်တဲ့ ဇူလိုင်လ ၃၁ ရက်နေ့အထိ အမေရိန်ကန်ဒေါ်လာ ၁၀၅,၃၁၇ ကျော်နဲ့ ရည်မှန်းထားတဲ့ ပမာဏ ရဲ့ ၇၀ ရာခိုင်နှုန်းကျော် ရရှိခဲ့တယ်လို့ KNDF- UAV ဌာနက ပြောပါတယ်။
“နောက်ထပ် သတင်းကောင်း အနေနဲ့ ကမ်ပိန်း ကာလ အတွင်း ပြုလုပ်ပေးခဲ့သလို လေယာဉ်နဲ့ အသီးပေါ်မှာ စာရေးတာတွေကို ဆက်လက်ပြီး ပြုလုပ်ပေးသွားမှာ ဖြစ်တဲ့အတွက် လာရောက် မေးမြန်းနိုင်ပါတယ်။ ကမ်ပိန်း ပြီးသွားမှ လှူမယ် ကမ်ပိန်း ရာခိုင်နှုန်းထဲပဲ ထည့်ပေါင်းပေးပါဆိုတဲ့ အထူးအလှူရှင်တွေ ရှိတဲ့အတွက် ဩဂုတ် ၁၅ ရက်မှာ ထပ်မံ ကြေညာပေးသွားမှာ ဖြစ်ပါတယ်” လို့ KNDF-UAV ဌာနမှ တာဝန်ရှိသူ တစ်ဦးက ပြောပါတယ်။
ကမ်ပိန်းကာလ ပြီးသွားပေမယ့် ကိုယ်ပိုင် အဝေးပြေးဒရုန်း ထုတ်လုပ်ဖို့ ကူညီလှူဒါန်းလိုသူတွေ အနေနဲ့ ဆက်လက်ပြီး KNDF – UAV Department လူမှုကွန်ရက် စာမျက်နှာကနေ တိုက်ရိုက်ကူညီ လှူဒါန်းနိုင်ပါတယ်။
“အဲဒိုပေါ်မီ မိစ္ဆာနှင်” ပွဲကမ်ပိန်းဟာ ကိုယ်ပိုင်ဒရုန်း အစင်း ၂၀ ထုတ်လုပ်ဖို့ လိုအပ်တဲ့ ကုန်ကျစရိတ် အမေရိကန် ဒေါ်လာ တစ်သိန်း ၅ သောင်း၊ မြန်မာငွေ သိန်းပေါင်း ၄,၅၀၀ ရရှိဖို့ ပြုလုပ်တဲ့ ကမ်ပိန်း ဖြစ်ပါတယ်။
ဒရုန်း တစ်စင်းကို သိန်း ၁၅၀ သတ်မှတ်ထားပြီး တစ်ယောက် တစ်စုတည်း အနေနဲ့ ဒရုန်းတစ်စင်း၊ ၂ စင်း စသဖြင့် လှူဒါန်းတဲ့သူတွေ အတွက် ဒရုန်းပေါ်မှာ နာမည် ရေးထိုးထားပေးတယ်လို့ KNDF က ပြောဆိုထားပါတယ်။
လက်ရှိ ပြည်တွင်း၊ ပြည်ပ ပညာရှင်များနဲ့ ပူးပေါင်းပြီး ဒရုန်း တစ်ချို့ ထုတ်လုပ်နေပြီလို့ KNDF က ထုတ်ပြန်ထားပါတယ်။
“အဲဒိုပေါ်မှီ မိစ္ဆာနှင်ပွဲ” ကမ်ပိန်းမှာ ပါဝင်လှူဒါန်းခဲ့တဲ့ တစ်ဦးချင်းစီတိုင်းနဲ့ ကမ်ပိန်း ကာလမှာ အားဖြည့်ပေးကြတဲ့ Fundraisers များ၊ အနုပညာရှင်၊ influencer များ အားလုံးကို ကျေးဇူးတင်တယ်လို့ KNDF- UAV ဌာနက ပြောပါတယ်။
CJ-002
#Mekongnews
#“အဲဒိုပေါ်မီ_မိစ္ဆာနှင်ပွဲ”
#Fixed_Wing_UAV
#KNDF_UAV