မဲခေါင်၊ စက်တင်ဘာ ၁၈
ကရင်နီပြည်နယ်၊ လွိုင်ကော်မြို့နယ် အရှေ့ဘက်ခြမ်းမှာ စစ်ကောင်စီတပ်နဲ့ ကရင်နီတော်လှန်ရေးတပ်ဖွဲ့တို့ ဒီကနေ့ မနက်ပိုင်းကစပြီး တိုက်ပွဲ ပြင်းထန်နေတယ်လို့ ကရင်နီ စစ်ရေးသတင်းရင်းမြစ်က မဲခေါင်သတင်းဌာနကို ပြောပါတယ်။
လွိုင်ကော် အရှေ့ဘက်ခြမ်းနဲ့ ရှားတောမြို့နယ် အစပ်မှာ ဒီကနေ့ မနက်ပိုင်းကစလို့ တိုက်ပွဲ ပြင်းထန်နေတာ ဖြစ်တယ်လို့ ဆိုပါတယ်။
“တိုက်ပွဲနေရာ အတိအကျနဲ့ အခြေအနေတွေကို တိုက်ပွဲဖြစ်နေစဥ် စစ်ရေး အချက်အလက်တွေဖြစ်လို့ ပြောလို့ မရသေးဘူးဗျ”လို့ စစ်ရေး သတင်းရင်းမြစ်က ရှင်းပြပါတယ်။
ဒီတိုက်ပွဲ ဖြစ်စဥ်နဲ့ ပတ်သက်ပြီး အခြေအနေ အသေးစိတ်ကို မဲခေါင်သတင်းဌာန အနေနဲ့ မေးမြန်းနေဆဲ ဖြစ်ပါတယ်။
လက်ရှိ လွိုင်ကော်မြို့ အခြေစိုက် စစ်ကောင်စီ အမြောက်တပ်က တိုက်ပွဲ ဖြစ်ပွားရာ ဒေသ တစ်၀ိုက်ကို လက်နက်ကြီးတွေနဲ့ ဆက်တိုက် ပစ်ကူပေးနေတယ်လို့ သိရပါတယ်။
MK-007
#MeKongNews
#လွိုင်ကော်
#တော်လှန်ရေး
#အမြောက်တပ်