မဲခေါင်၊ ဇန်နဝါရီ ၁၇
ရှမ်းပြည်နယ် မြောက်ပိုင်း၊ လားရှိုးမြို့နယ်မှာ ဇန်နဝါရီလ ၁၂ ရက်၊ ညပိုင်းက ပြောင်းပွဲရုံ ဓားပြတိုက်ခံရပြီး ကျပ်သိန်း ၁၀၀ ကျော်နဲ့ ရတနာပစ္စည်းတွေ ပါသွားတယ်လို့ ဒေသခံတွေထံက သိရပါတယ်။
လားရှိုးမြို့နယ်၊ ခြောက်မိုင်ကျေးရွာက ရွှေမိုင်းရင် ပြောင်းပွဲရုံကို ဇန်နဝါရီလ ၁၂ ရက်၊ ညပိုင်းက ပစ္စတို သေနတ် ကိုယ်စီ ကိုင်ဆောင်ထားတဲ့ လူတစ်စုက ကား ၂ စီးနဲ့ ရောက်လာပြီး ဓားပြတိုက်သွားတယ်လို့ သိရပါတယ်။
အဲဒီ လူတစုက ပြောင်းပွဲရုံရှိ မိသားစုဝင်တွေကို သေနတ်နဲ့ထောက်ပြီး ဖုန်း၊ ပိုက်ဆံနဲ့ ရွှေထည် ပစ္စည်းတွေ ယူဆောင်သွားတယ်လို့ သိရပါတယ်။
ဓားပြတိုက်ခံရမှုကြောင့် ပြောင်းပွဲရုံက ငွေကျပ်သိန်း ၁၀၀၊ ဖုန်း ၈ လုံး၊ ကျပ်သိန်း ၂၀ ခန့် တန်ဖိုးရှိတဲ့ လက်ဝတ်ရတနာတွေ ပါသွားတယ်လို့လည်း သိရပါတယ်။
MK-008
