မဲခေါင်၊ မတ် ၂၃
ရှမ်းပြည်တောင်ပိုင်း၊ ရွာငံမြို့နယ်အတွင်းရှိ စစ်စီးကုန်းကျေးရွာ တောင်ဖက်ခြမ်းမှ ရဲတစ်ဦး နဲ့ပျူစောထီးတို့ကို ဂျိုးဖြူတော်လှန်ရေးတပ်ဖွဲ့ Ywangan PDF(JPRF) က ပစ်ခတ်ရှင်းလင်းခဲ့တယ်လို့ သိရပါတယ်။
ပစ်ခတ်ခံရတဲ့ ရဲနဲ့ ပျူစောထီးတို့ဟာ ကားနဲ့လာမယ်ဆိုတာ သတင်းရလို့စောင့်ဆိုင်းပြီး ဒီနေ့ မတ်လ ၂၂ ရက်နေ့မနက် ၈ နာရီ ၃၀ မိနစ်အချိန်မှာ ပစ်ခတ်ရှင်းလင်းခဲ့တာလို့ သိရပါတယ်။
” ကျွန်တော်တို့ PDF တွေရှိတဲ့နေရာသတင်းကြားလို့သူတို့က လာရှင်းဖို့လာတယ်ဆိုတာ ကျွန်တော်တို့က သတင်းပြန်ရတယ်။အားလုံးပေါင်း ၁၀ ယောက်ထွက်လာတဲ့လို့သတင်းရတယ်။ ၂ ယောက်ပဲပါလာတယ်။ ၈ ယောက်ကို ကင်းပုန်းချထားခဲ့တဲ့သဘောပဲ။ ပါလာတဲ့၂ ယောက်ကို ပစ်ခတ်လိုက်တာပွဲချင်းပြီးသေသွားတယ်။” လို့JPRF တာဝန်ရှိသူ K P က ပြောပါတယ်။
ပစ်ခတ်ခံရတဲ့ ရဲတပ်ဖွဲ့ဝင်ဟာ မြင်းကျဒိုးရဲစခန်းက ၁ ပွင့်နဲ့ဖြစ်ပြီး Ak သေနတ်ကိုင်ထားကာ ပျူစောထီးကတော့ ကာဗိုင်သေနတ်ကိုင်ထားတယ်လို့ JPRF အဖွဲ့ကပြောပါတယ်။
ကားပေါ်ပါလာတဲ့ Ak 47 တစ်လက်၊ ကာဗိုင်တစ်လက်၊လက်ပစ်ဗုံးတစ်လုံးနဲ့အခြားပစ္စည်းတွေ သိမ်းဆည်းရရှိခဲ့တယ်လို့လည်း JPRF အဖွဲ့က ထုတ်ပြန်ထားပါတယ်။
ပစ်ခတ်ပြီး မိနစ်ပိုင်းအတွင်းမှာ ကင်းပုန်းချထားခဲ့တဲ့ စစ်ကောင်စီတပ်သားတွေရောက်လိုက်လို့ အချိန်အနည်းငယ် အပြန်အလှန်ပစ်ခတ်ခဲ့တယ်လို့လည်း JPRF တာဝန်ရှိသူ K P က ပြောပါတယ်။
အဲဒီနောက်မှာ စစ်ကောင်စီဘက်က အင်အားဖြည့်တင်းလာနိုင်တဲ့အခြေအနေမို့ JPRF ရဲဘော်တွေ ပြန်လည်ဆုတ်ခွာခဲ့တယ်လို့ သိရပါတယ်။
Ywangan PDF ဂျိုးဖြူတော်လှန်ရေးတပ်ဖွဲ့ (JPRF) အဖွဲ့ဖွဲ့စည်းတာတည် အခုမတ်လ ၇ ရက်နေ့က ၂ နှစ်ပြည့်ခဲ့ပြီဖြစ်ပြီး (JPRF)အနေနဲ့ ကရင်နီဘက်မှာ မဟာမိတ်တပ်တွေနဲ့အတူ စစ်ကောင်စီကို တော်လှန်ရုံမက ရှမ်းတောင်၊ ရွာငံဒေသထဲမှာလည်း မိမိတို့တတ်နိုင်တဲ့မစ်ရှင်တွေ ပြန်လည်လုပ်ဆောင်နေပြီဖြစ်တယ်လို့ သိရပါတယ်။
CJ-012