မဲခေါင်၊ မတ် ၉
မန္တလေးမြို့၊ ၆၆ လမ်း၊ ၃၁ လမ်းနဲ့ ၃၂ လမ်းမှာ ဖွင့်လှစ်ထားတဲ့ ဇလုံကြီး ဟင်းအနှစ်ထုပ်ဆိုင်ကို ဒီကနေ့ နေ့လယ် ၁၁ နာရီက စစ်တပ်က ဝင်ရောက် စီးနင်းပြီး ပိုင်ရှင်ဖြစ်သူကို ဖမ်းဆီးသွားတယ်လို့ ဒေသခံတွေက မဲခေါင်သတင်းကို ပြောပါတယ်။
အဆိုပါဆိုင်ရှိ အနှစ်ထုပ် ပစ္စည်းများကို အမေရိကန်က ဖေ့ဘွတ်ဆယ်လီ ပန်ဆယ်လိုရဲ့ဆိုင်မှာ ရောင်းချနေတဲ့ အတွက် စစ်တပ် လော်ဘီ ဟန်ငြိမ်းဦး အကောင့်မှ ဖမ်းဆီးဖို့ သတင်းတင်ပြီးနောက် မန္တလေးမှာ ဖွင့်လှစ်ထားတဲ့ ဆိုင်ကို စစ်ကောင်စီတပ်က ဝင်ရောက် ဖမ်းဆီးခဲ့တာ ဖြစ်ပါတယ်။
အလားတူ ရန်ကုန်မြို့မှာ ဆိုင်ဖွင့်လှစ် ရောင်းချနေတဲ့ လမ်း ၄၀ အထက်ဘလောက်၊ အိမ်အမှတ် ၂၆၉၊ မြေညီထပ် ကျောက်တံတားမြို့နယ် ထိုင်သူ ကိုသော်ဇင်ဦး ဆိုသူကို ဖမ်းဆီးဖို့ ဟန်ငြိမ်းဦး အကောင့်မှာ တင်ထားတာ တွေ့ရပါတယ်။
အဆိုပါ ဇလုံကြီး ဟင်းအနှစ်ထုပ်တွေကို PDF တပ်ဖွဲ့ဝင်တွေထံ အဓိက ပို့ဆောင်နေတယ်ဆိုတဲ့ စွပ်စွဲချက်နဲ့ လူမှုကွန်ရက် စာမျက်နှာမှာ ဟန်ငြိမ်းဦး အကောင့်နဲ့ တင်ပြီးနောက် စစ်ကောင်စီတပ်တွေ ဝင်ရောက်ဖမ်းဆီး တာ ဖြစ်ပါတယ်။
MK-005
#MekongNews
#မန္တလေး
#ဇလုံကြီး
#ပန်ဆယ်လို