မဲခေါင်၊ ဖေဖော်ဝါရီ ၈
အာဏာသိမ်း စစ်ကောင်စီ ရုံးစိုက်ရာ နေပြည်တော်သို့ သွယ်တန်းထားတဲ့ လျှပ်စစ် တာဝါတိုင် ၉ ခုကို ကရင်နီ အမျိုးသားများ ကာကွယ်ရေးတပ်-KNDF တပ်ရင်း အမှတ်(၁၁) မှ ဖောက်ခွဲဖျက်ဆီးခဲ့တယ်လို့ KNDF ဖယ်ခုံဇုန်က ထုတ်ပြန်ပါတယ်။
အဲဒီလို ထုတ်ပြန်ရာမှာ မဟာဓာတ်အားလိုင်း တာဝါတိုင်အချို့ကို မိုင်းခွဲ ဖြိုလှဲခဲ့တဲ့ ရုပ်သံမှတ်တမ်းကိုလည်း ဖော်ပြထားပါတယ်။
“ ကျွန်တော်တို့ မြေပေါ်မှာ ဂုတ်သွေးစုပ်ရပ်တည်ပြီး လူတစ်စုဆီ အလင်းရအောင်ပို့ပေးတဲ့ လျှပ်စစ်မီးများ အဓွန့်မရှည်စေရ။ စစ်တပ် ထောက်တိုင်မှန်သမျှ ဖျက်ဆီးကြ။ စစ်အုပ်ချုပ်ရေး အလိုမရှိ။ အဆုံးထိ တော်လှန်ကြ။ တိုက်ခိုက်ကြ။” လို့ KNDF ဖယ်ခုံဇုန်ရဲ့ ထုတ်ပြန်ချက်မှာ ဖော်ပြပါတယ်။
အရင်ကလည်း ဖယ်ခုံမြို့နယ်အတွင်းရှိ လျှပ်စစ်တာဝါတိုင်တွေကို ကာကွယ်ရေးတပ်ဖွဲ့ဝင်တွေ တိုက်ခိုက် ဖျက်ဆီးမှု အချို့ ရှိခဲ့တယ်လို့ သိရပါတယ်။
KNDF တပ်ရင်း (၁၁) ဟာ ဖယ်ခုံဒေသ အခြေစိုက် တပ်ရင်း ဖြစ်ပါတယ်။
ပုံစာ-ဖျက်ဆီးဖြိုလှဲထားတဲ့ လျှပ်စစ်တာဝါတိုင်ကို တွေ့ရစဉ်။
ဓာတ်ပုံ-KNDF။
MK-003
#MeKongNews