ရက်ချိန်းရရှိထားသူတွေ အနေနဲ့ နိုင်ငံကူး လက်မှတ်တွေ အမြန်ဆုံး ရရှိနိုင်ဖို့ သူတို့ရဲ့ အချက်အလက်တွေကို ရယူထားနိုင်ဖို့ ရက်ချိန်းတွေ အတိုင်း လာရောက်နိုင်တယ်လို့လည်း ဖော်ပြထားပါတယ်။
နိုင်ငံကူး လက်မှတ် သက်တမ်းတိုး ဘယ်နေ့မှာ ပြန်လည် ဖွင့်လှစ်ပေးမလဲ ဆိုတာ ဖော်ပြထားတာ မရှိဘဲ ထပ်မံ အသိပေးသွားမှာ ဖြစ်တယ်လို့သာ ထုတ်ပြန်ထားပါတယ်။
ချင်းမိုင်မြို့ရှိ မြန်မာကောင်စစ်ဝန်ချုပ်ရုံးမှာ အသုံးပြုလျက်ရှိတဲ့ နိုင်ငံကူး လက်မှတ် သက်တမ်းတိုး ဆောင်ရွက်ပေးတဲ့ စက်နဲ့ ဆက်စပ် ပစ္စည်းတွေကို ပြင်ဆင် ထိန်းသိမ်းမှုတွေ ဆောင်ရွက်သွားဖို့ ရှိတာနဲ့ တစ်နှစ်တာ ကာလအတွက် နိုင်ငံသား ဆိုင်ရာ အချက်အလက်တွေ စုစည်း စိစစ်သွားဖို့ ရှိတာကြောင့် ဒီဇင်ဘာ ၁၂ ရက်မှ ဇန်နဝါရီ ၄ ရက်အထိ နှစ်သစ်ကူး ရုံးပိတ်ရက်ကာလ အတွင်း နိုင်ငံကူးလက်မှတ် သက်တမ်းတိုး ဆောင်ရွက်ခြင်းဆိုင်ရာ လုပ်ငန်းတွေကို ခေတ္တရပ်နားထားမယ်လို့လည်း ပြီးခဲ့တဲ့အပတ်က အသိပေး ကြေညာထားပါတယ်။
အဲဒီလို ကြေညာပြီးနောက် အခုအပတ်မှာလည်း ဆက်လက်ရပ်ဆိုင်းကြောင်း ကြေညာချက် ထုတ်ပြန်တာပါ။
အလားတူပင် ပြီးခဲ့တဲ့ ဇန်နဝါရီလ ၂ ရက်ကလည်း ရန်ကုန်မြို့၊ ရန်ကင်းမြို့နယ်ရှိ နိုင်ငံကူး လက်မှတ်ထုတ်ပေးရေးရုံးမှာ နည်းပညာ အဆင့်မြှင့်တင်ဖို့ဆိုကာ နိုင်ငံကူး လက်မှတ် ပြုလုပ်ပေးတာကို ရက်အကန့်အသတ်မရှိ ပိတ်ထားမှာ ဖြစ်တယ်လို့လည်း ကြေညာထားပါတယ်။