မဲခေါင်၊ ဇန်နဝါရီ ၂၂
Spring Valour Condominium – ရဲရင့်နွေဦး ကွန်ဒိုတိုက်ခန်းတွေကို မြန်မာစံတော်ချိန် ဇန်နဝါရီလ၂၁ ရက်၊ မြန်မာစံတော်ချိန် ည ၁၀ နာရီမှာ စတင်ရောင်းချခဲ့ရာမှာ ၁၂နာရီအတွင်း အမေရိကန်ဒေါ်လာ ၁၀ ဒဿမ ၉သန်းဖို့ ရောင်းရတယ်လို့ The End of Dictatorship ဖေ့စ်ဘွတ်စာမျက်နှာကနေ ဒီမနက်ကြေညာပါတယ်။
၁၂နာရီအတွင်းရောင်းချရရှိမှုတန်ဖိုးဟာ ရောင်းချဖို့ရည်မှန်းထားတဲ့ အခန်းအားလုံးရဲ့ ၉၆ ရာခိုင်နှုန်းဖြစ်ပြီး ခန့်မှန်းထားတက်ပထမနေ့ အရောင်းပမာဏထက် များစွာကျော်လွန်ရောင်းချရတယ်ဖြစ်တယ်လို့ The End of Dictatorship စာမျက်နှာရဲ့ ဖော်ပြချက်မှာ ပါရှိပါတယ်။
ဒီရဲရင့်နွေဦးကွန်ဒိုစီမံကိန်းဟာ စရောင်းရောင်းချင်း ၃၃မိနစ်အတွင်းမှာ 3-Bedroom အခန်းပေါင်း ၃၆၀ အထိရောင်းရတယ်လို့ အမျိုးသားညီညွတ်ရေးအစိုးရ၊ စီမံကိန်း၊ ဘဏ္ဍာရေးနဲ့ ရင်းနှီးမြုပ်နှံမှုဝန်ကြီးဌာန ပြည်ထောင်စုဝန်ကြီး ဦးတင်ထွန်းနိုင်က မနေ့ညက ထုတ်ပြောထားပါတယ်။
NUG က စီစဉ်တဲ့ ရန်ပုံငွေရှာဖွေရေး အိမ်ရာစီမံကိန်းတွေဟာ မူလမျှော်လင့်ထားတာထက် သာလွန်စွာ ရောင်းချနေရပြီး ဒါဟာ ပြည်သူတွေရဲ့ စစ်အာဏာရှင်ပေါ် အောင်နိုင်လိုစိတ်မြင့်မားတာကို ပြသတာဖြစ်တယ်လို့ ပြည်ထောင်စုဝန်ကြီး ဦးတင်ထွန်းနိုင်က ဆိုပါတယ်။
MK – 004
#MeKongNews