မဲခေါင်၊ မတ် ၁၀
ရှမ်းပြည်မြောက်ပိုင်း၊ UWSA အခြေစိုက်ရာ နမ့်တစ်မြို့တွင်းမှာ စစ်ပြေးလိုက်ဖမ်းဆီးတဲ့ ‘၀’ စစ်သား ၁ဦးကို MNDAA တပ်မမှူး ၁ဦးက ထိုးကြိတ်ပြီး ချုပ်နှောင်ထားခဲ့တဲ့ ဖြစ်ရပ်အပေါ် UWSA က စာထုတ်ပြီးဖြေရှင်းချက်တောင်းထားတယ်လို့ သတင်းရင်းမြစ်ထံက သိရပါတယ်။
မတ် ၆ ရက်က နမ့်တစ်မြို့တွင်းမှာ စစ်ပြေးလိုက်ဖမ်းတဲ့ လီကျွင်းဆိုတဲ့ ‘၀’ တပ်ဖွဲ့ဝင်ရဲ့ကားနဲ့ MNDAA 211 တပ်မမှူးရဲ့ ကားတိုက်မိရာကနေ MNDAA 211 တပ်သားတွေက ‘ဝ’ တပ်သား လီကျွင်းကို ထိုးကြိတ်ရိုက်နှက်ခဲ့ပြီး ၁ ရက်တာ အကျဉ်းချထားခဲ့တယ်လို့ UWSA ရဲ့ ထုတ်ပြန်စာမှာပါရှိတာ သိရပါတယ်။
အဲဒီဖြစ်စဉ်အပေါ် UWSA နမ့်တစ်အခြေစိုက်တိုင်းစစ်ရုံးက MNDAA 211 တပ်မမှူးကိုယ်တိုင် လာရောက်တောင်းပန်ရန်နဲ့ နစ်နာတဲ့ ‘၀’ စစ်သားကိုလျှော်ကြေးပေးဆောင်ဖို့ တရားစာဝင်ပေးပို့ထုတ်ပြန်ခဲ့သလို ၀ ပြည် TV ချန်နယ်ကလဲ တရားဝင်သတင်းထုတ်ပြန်ခဲ့ပါတယ်။
MNDAA ဘက်က တာဝန်မယူပါက ‘၀’ ဘက်က ထိရောက်စွာ တုန့်ပြန်သွားမှာဖြစ်ပြီး ချင်းရွှေဟော်-နမ့်တစ်တံတားကို ကိုးကန့် KK နံပတ်တပ် ကားတွေနဲ့လူတွေကို ခွင့်ရောက်ခွင့်မပြုဘူးလို့ နီးစပ်တဲ့ စစ်ရေးသတင်းရင်းမြစ်တွေထံကနေ သိရပါတယ်။
နောက်ဆုံးသိရတဲ့ သတင်းတွေအရ MNDAA ဘက်က ပြန်တောင်းပန်ဖို့ ပြင်ဆင်နေပြီး ဖြစ်ရပ်ကို ပြန်လည်စုံစမ်း စစ်ဆေးသွားမယ်လို့ အကြောင်းပြန်ထားကြောင်း သိရပါတယ်။
MK – 012
