ဒါ့အပြင် စမ်းချောင်းမြို့နယ်အတွင်း တရားခံ ဖမ်းဆီးရာမှာ ပြန်လည် ခုခံပါက ပစ်မိန့်ပေးထားပြီး စိတ်ကြိုက် ရိုက်နှက်စစ်ဆေးခွင့် ရှိတယ်လို့ ဒီဇင်ဘာ ၂၇ နဲ့ ၂၈ ရက်နေ့တွေမှာ စစ်ကောင်စီက အကြောင်းကြားထား တယ်လို့ အမည်မဖော်လိုသူ ရဲအရာရှိ တစ်ဦးက ပြောပါတယ်။

အရက်ဆိုင်နဲ့ ဘီယာဆိုင်တွေမှာလည်း မထိုင်ဖို့ ပြောတာရှိတယ်။ လက်ဖက်ရည်ဆိုင်မှာလည်း ထွက်ပြီး မထိုင်ကြဖို့ ပြောတယ်။ ထွေအုပ်ရုံးနားက ဆိုင်တွေမှာ ပိုပြီး မထိုင်ဖို့ မှာထားတာတွေ ရှိတယ်။ ဒီရက်ပိုင်း ဖြစ်သွားခဲ့တဲ့ ကိစ္စတွေကြောင့်လည်းပါတယ်

 လို့ ရပ်ကွက် အုပ်ချုပ်ရေးမှူး တစ်ဦးက ပြောပါတယ်။

ဒီဇင်ဘာ ၂၂ ရက်နေ့က စမ်းချောင်းမြို့နယ်၊ ဝေဠုဝန်မြောက်ရပ်ကွက် အတွင်း ရပ်ကွက်အုပ်ချုပ်ရေးမှူး ဝေဖြိုးအောင် လက်ဖက်ရည်ဆိုင် ထိုင်နေစဉ် ပစ်သတ်ခံခဲ့ရပါတယ်။

ဒါ့အပြင် စမ်းချောင်းမြို့နယ်မှာ လွတ်လပ်ရေးနေ့ အကြို ပျော်ပွဲရွှင်ပွဲတွေ ပြုလုပ်ဖို့ စစ်တပ်က စီစဉ်ခဲ့ပေမယ့် စမ်းချောင်း PDF က ပြင်းပြင်းထန်ထန် သတိပေးပြီးနောက် ရပ်ကွက် အချို့မှာ ပြိုင်ပွဲ ကျင်းပတော့မှာ မဟုတ်ဘူးလို့ ရပ်ကွက်ရုံးတွေ အရှေ့မှာ စာရေးပြီး ကြေငြာခဲ့ရတယ်လို့ ရပ်ကွက်နေ ပြည်သူ တစ်ဦးက ပြောပါတယ်။

(လွတ်လပ်သည့် မီဒီယာအဖြစ် ရေရှည်ရပ်တည်နိုင်ရေး သင်တို့အကူအညီလိုအပ်နေပါသည်။ ဤနေရာတွင် www.mekongnewsmm.com/donation နှိပ်၍ လှူဒါန်းနိုင်ပါသည်)