မဲခေါင်၊ မတ် ၂၇
ရှမ်းပြည်တောင်ပိုင်း၊ ကလောမြို့နယ် လယ်ကြားအုပ်စုမှာ စစ်ကောင်စီထောက်တိုင်တွေဖြစ်တဲ့ အုပ်ကြီးတွေက မတ်လ ၂၇ ရက်နေ့မှာ ပြည်သူတွေဆီကနေ တအိမ်ကို ၄၀၀၀၀ နှုန်း ငွေကောက်ခံနေတယ်လို့ ဒေသခံတစ်ဦးက ပြောပါတယ်။
“တစ်အိမ်ကို ၄၀၀၀၀ ထည့်ရတယ်။ တစ်အိမ်ကို ပိုက်ဆံ ၄၀၀၀၀ မထည့်နိုင်သူတွေကို စစ်မှုထမ်းခိုင်းရမယ်လို့ အုပ်ချုပ်ရေးမှူးတွေကပြောတယ်။ မပေးနိုင်ရင် စစ်မှူထမ်းပေါ့ဆိုတာမျိုး” လို့ အဲ့ဒီဒေသခံတစ်ဦးက ပြောပါတယ်။
အိမ်တိုင်ရာရောက် လာပြီး ပိုက်ဆံကောက်သူတွေဟာ စစ်ကောင်စီထောက်တိုင် အုပ်ချုပ်ရေးမှူးနဲ့ အပေါင်းအပါတွေဖြစ်ပြီး သူတို့ဟာ စစ်တပ်အသိုင်းအဝိုင်းနဲ့လည်း ဆွေမျိုးတော်စပ်သူတွေ ဖြစ်တယ်လို့ သိရပါတယ်။
ခုလက်ရှိအချိန်မှာ မြန်မာနိုင်ငံနေရာအနှံ့က စစ်ကောင်စီစိုးမိုးရာနေရာတွေမှာ စစ်ကောင်စီထောက်တိုင်တွေဖြစ်တဲ့ အုပ်ချုပ်ရေးမှူးတွေနဲ့ ပျုစောထီးတွေက ပြည်သူတွေအပေါ် ဖိနှိပ်တာတွေ၊ ငွေကြေးအတင်းကောက်ခံတာတွေကို စစ်ကောင်စီအလိုကျ ပြုလုပ်ပေးနေတယ်လို့ သိရပါတယ်။
CJ-004