မဲခေါင်၊ ဖေဖော်ဝါရီ ၁
စစ်တပ်အာဏာသိမ်းမှု ၂ နှစ်တာ ကာလအတွင်း ကရင်နီပြည်က စစ်ရေး၊ နိုင်ငံရေး၊ လူ့အခွင့်အရေး ချိုးဖောက်ခံရတာတွေနဲ့ ပတ်သက်ပြီး PKPF Information Centre က ဒီကနေ့ ထုတ်ပြန်လိုက်ပါတယ်။
၂ နှစ်အတွင်းမှာ အရပ်သား ပြည်သူ ၃၀၂ ယောက် သတ်ဖြတ်ခံရပြီး စစ်ရှောင် သေဆုံးသူ ၁၂၈ ယောက် ဖြစ်ကာ KNDF-PDF- KA စတဲ့ တော်လှန်ရေး တပ်ဖွဲ့တွေက ကျဆုံးသူ ၂၁၉ ယောက်၊ တိုက်ပွဲ အကြိမ်ရေ ၅၆၂ ကြိမ်၊ လေကြောင်း တိုက်ခိုက်မှု ၁၉၀ ကြိမ် ရှိတယ်လို့ ထုတ်ပြန်ချက်က ဆိုပါတယ်။
ဒါ့အပြင် ဒေသတွင်း ဘာသာရေး အဆောက်အုံ ၂၈ လုံး ဖျက်ဆီးခံရပြီး လူနေအိမ် ၁,၃၁၇ လုံး ပျက်စီးကာ၊ စစ်ကောင်စီ တပ်ဖွဲ့ဝင် ၁,၅၈၁ ယောက် သေဆုံးပြီး၊ စစ်ကား ၅၈ စီးပျက်စီးကာ မတရား ဖမ်းဆီးခံရသူ ၂၇၉ ယောက်ရှိတယ်လို့ ထုတ်ပြန်ချက်မှာ ဖော်ပြထားပါတယ်။
တော်လှန်ရေး ရဲဘော် ကျဆုံးမှုနဲ့ စစ်ကောင်စီတပ်ဖွဲ့ သေဆုံးမှု စာရင်းကတော့ PKPF က လက်လှမ်းမီ သလောက် ပြုစုထားတာဖြစ်လို့ သက်ဆိုင်ရာ EAOs နဲ့ L-PDF တွေရဲ့ စာရင်းတွေနဲ့ အနည်းငယ် ကွဲလွဲနိုင်တယ်လို့ ဆိုပါတယ်။
MK-003
#MeKongNews
#သရက်မြို့
#အသံတိတ်သပိတ်
#လူထုတိုက်ပွဲ
