မဲခေါင်၊ ဇူလိုင် ၁၀

ကရင်နီပြည်နယ်မှာ ကယန်းအမျိုးသမီး အစည်းအရုံးက ဖွဲ့စည်းထားတဲ့ အမျိုးသမီး ဒေသစည်းရုံးရေးမှူးတွေ အတွက် အတွေးအခေါ်နဲ့ စွမ်းဆောင်ရည်မြှင့် သင်တန်းကို ဇူလိုင်လ ၄ ရက်ကနေ ၈ ရက်အထိ ပြုလုပ်ခဲ့တယ်လို့ ကယန်းအမျိုးသမီး အစည်းအရုံးက ဒီကနေ့ ထုတ်ပြန်လိုက်ပါတယ်။

အမျိုးသမီးတွေ အနေနဲ့ အတွေးအခေါ်နဲ့ စွမ်းဆောင်ရည် မြင့်မားစေလိုတဲ့ ရည်ရွယ်ချက်နဲ့ ပြုလုပ်တဲ့ ဒီသင်တန်းမှာ စစ်တပ်အာဏာသိမ်းပြီးနောက် ကရင်နီပြည်နယ်မှာ ဖြစ်ပွားခဲ့တဲ့ တိုက်ပွဲတွေ အတွင်း အမျိုးသမီးတွေ လူ့အခွင့်အရေး ချိုးဖောက်ခံရမှုတွေ ထည့်သွင်း ဆွေးနွေးခဲ့တယ်လို့ ဆိုပါတယ်။

ဒါ့အပြင် ဒီ ၅ ရက်တာ သင်တန်းမှာ No Vote Campaign ၊ အမျိုးသမီး ငြိမ်းချမ်းရေးနဲ့ လုံခြုံရေး၊ ကယန်းအမျိုးသမီး အစည်းအရုံး သမိုင်းကြောင်း၊ ကရင်နီပြည် အတိုင်ပင်ခံကောင်စီ (KSCC) အကြောင်း၊ ကယန်းဒေသအတွင်း ကျင့်သုံးတဲ့ ရိုးရာဓလေ့တွေကို ဖော်ထုတ် ဆွေးနွေးတာ၊ လူသားချင်းစာနာ ထောက်ထားရေး ဆိုင်ရာ စံသတ်မှတ်ချက်တွေ၊ Women Law ၊ Gender Base Violence (GBV ) ၊ Women Leadership ၊ Facilitation Skills နဲ့ အချက်အလက်ကောက်ခံနဲ့ ပတ်သက်တဲ့ ကိစ္စ စတဲ့ ခေါင်းစဉ်တွေ ဆွေးနွေးခဲ့တယ်လို့ ထုတ်ပြန်ချက်မှာ ဖော်ပြထားပါတယ်။

ကယန်းအမျိုးသမီး အစည်းအရုံးဟာ ကရင်နီပြည်နယ်အတွင်း အမျိုးသမီးတွေ လူ့အခွင့်အရေး ချိုးဖောက်ခံရမှုကို စစ်တမ်းပြုစုနေတဲ့ အဖွဲ့ ဖြစ်သလို စစ်ဘေးရှောင် ပြည်သူတွေကို ကူညီစောင့်ရှောက် ပေးနေတဲ့ အဖွဲ့အစည်းလည်း ဖြစ်ပါတယ်။

MK-007

#MekongNews

#ကရင်နီပြည်

#ကယန်းအမျိုးသမီးအစည်းအရုံး

#လူ့အခွင့်အရေး

(လွတ်လပ်သည့် မီဒီယာအဖြစ် ရေရှည်ရပ်တည်နိုင်ရေး သင်တို့အကူအညီလိုအပ်နေပါသည်။ ဤနေရာတွင် www.mekongnewsmm.com/donation နှိပ်၍ လှူဒါန်းနိုင်ပါသည်)