မဲခေါင်၊ မေ ၃
ကရင်နီပြည်နယ်နဲ့ ကရင်ပြည်နယ်က လူငယ် ကာကွယ်ရေးတပ်ဖွဲ့ဝင်တွေ အတွက် နေဒဏ်၊ မိုးဒဏ်ကနေ ကူကာပေးနိုင်ဖို့ “နေပူမိုးရွာ ကူဖို့လာ” ပရောဂျက် ပြုလုပ်နေတယ်လို့ ANTS-ပုရွက်ဆိတ် အဖွဲ့ထံက သိရပါတယ်။
ရာသီဥတု ဖောက်ပြန်မှုဒဏ်နဲ့ နွေရာသီရဲ့ အပူဒဏ် ခံနေရတဲ့ ရှေ့တန်းက ကာကွယ်ရေးတပ်ဖွဲ့ဝင် ရဲဘော်တွေ အတွက် မိုးရာသီမှာ အဓိက လိုအပ်လာနိုင်တဲ့ ဆေးဝါး၊ မိုးကာတွေ ကြိုတင်စုဆောင်းတဲ့ အနေနဲ့ အခုလို ပရောဂျက်ပြုလုပ်တာလို့ ANTS-ပုရွက်ဆိတ်များ အဖွဲ့က ပြောပါတယ်။
ကရင်နီပြည် ဒေသ တချို့မှာ အပူချိန်လွန်ကဲကာ ကွက်ကြားမိုးတွေ မကြာခဏ ရွာနေပြီ ဖြစ်တာကြောင့် မိုးရာသီ အတွက် ရဲဘော်တွေ အတွက် ဆေးဝါး၊ မိုးကာ စတဲ့ လိုအပ်ချက်တွေ ပိုများလာတယ်လို့လည်း ဆိုပါတယ်။
“နေပူမိုးရွာ ကူဖို့လာ” ပရောဂျက်ကို ကူညီထောက်ပံ့လိုသူတွေ အနေနဲ့ ခြုံထည်မိုးကာ တစ်ထည်ကို ၃,၀၀၀ ကျပ်၊ ဆေးသေတ္တာ ၅,၀၀၀ ကျပ်နဲ့ တာလပတ် တစ်စကို ၁၀,၀၀၀ ကျပ် အသီးသီး ရွေးချယ်ပြီး ANTS-ပုရွက်ဆိတ်များ လူမှုကွန်ရက် စာမျက်နှာက တဆင့် ထောက်ပံ့နိုင်တယ်လို့ သိရပါတယ်။
MK-009
#MeKongNews
#ANTS-ပုရွက်ဆိတ်များအဖွဲ့
#နေပူမိုးရွာ-ကူဖို့လာ
