မဲခေါင်၊ နိုဝင်ဘာ ၃၀
မြောက်ပိုင်းမဟာမိတ်အဖွဲ့တွေက တိုက်ခိုက်သိမ်းပိုက်ထားတဲ့ တရုတ်-မြန်မာနယ်စပ်မြို့ ပန်ဆိုင်းမှာ အုပ်ချုပ်ရေးယန္တရား ထူထောင်နိုင်ပြီလို့ ကိုးကန့်တပ်ဖွဲ့ MNDAA က ဒီနေ့မှာ ကြေညာပါတယ်။
ပန်ဆိုင်းမြို့အုပ်ချုပ်ရေးအဖွဲ့ ပြန်လည်ဖွဲ့စည်းနိုင်ရေးအစည်းအဝေးကိုလည်း နိုဝင်ဘာ ၂၈ ရက်နေ့မှာ ပြုလုပ်ခဲ့ပြီး အုပ်ချုပ်ရေးအဖွဲ့လည်း ဖွဲ့စည်းနိုင်ခဲ့တယ်လို့ သိရပါတယ်။
၁၀၂၇ စစ်ဆင်ရေးအတွင်း မြောက်ပိုင်းမဟာမိတ် ၃ ဖွဲ့ဖြစ်တဲ့ ကိုးကန့်တပ် MNDAA၊ တအာင်း(ပလောင်) TNLA၊ ရခိုင်တပ် AA အဖွဲ့တွေက ကိုးကန့်၊ မုံးကိုး၊ သိန္နီနဲ့ ကွတ်ခိုင်မြို့တွေကို တိုက်ခိုက်ခဲ့ပါတယ်။
နိုဝင်ဘာ ၁၉ ရက်နေ့မှာ ပန်ဆိုင်းနယ်စပ်ဂိတ်ကို တိုက်ခိုက်ခဲ့ပြီးနောက် ပန်ဆိုင်းမြို့ကိုလည်း ပြန်လည်ထူထောင်ကြောင်း ကြေညာခဲ့ပါတယ်။
ပန်ဆိုင်းနယ်စပ်ဂိတ်ဟာ MNDAA သိမ်းပိုက်ခဲ့တဲ့ တတိယမြောက် တရုတ်-မြန်မာ နယ်စပ်ဂိတ်လည်း ဖြစ်ပါတယ်။
#MeKongNews
#ကိုးကန့်
#ပန်ဆိုင်း
#နယ်စပ်မြို့
#အုပ်ချုပ်ရေး
#သိမ်းပိုက်