မဲခေါင်၊ နိုဝင်ဘာ ၁၇
ပဲခူးတိုင်း၊ ရွှေကျင်မြို့နယ်၊ ကျုံချောင်ရွာ အနီးမှာရှိတဲ့ တောင်ခြေရင်း စခန်းကို KNLA ပူးပေါင်းတပ်တွေ တိုက်ခိုက်ရာ မိနစ် ၂၀ ခန့် တိုက်ပွဲဖြစ်ပြီး အထိနာတဲ့ စစ်တပ်ဟာ စခန်း စွန့်ခွာ ထွက်ပြေးသွားတယ်လို့ ဗမာပြည်သူ့လွတ်မြောက်ရေး တပ်တော်-BPLA က ဒီကနေ့ ထုတ်ပြန်ပါတယ်။
ဒီကနေ့ နိုဝင်ဘာ ၁၇ ရက်၊ မနက်ပိုင်းက တောင်ပိုင်းတိုင်း စစ်ဌာနချုပ် လက်အောက်ခံ ခမရ (၃၅၁) တပ်ရင်း အခြေစိုက်ရာ စစ်ကောင်စီ စခန်းကို KNLA နဲ့ BPLA ပူးပေါင်းတပ်က တိုက်ခိုက်ခဲ့တာ ဖြစ်ပါတယ်။
အဆိုပါ တိုက်ပွဲအတွင်း စစ်ကောင်စီဘက်က ထိခိုက် သေဆုံးမှု အတိအကျ မသိရသေးဘဲ စခန်းကို ပူးပေါင်းတပ်တွေ သိမ်းပိုက်ရရှိကာ ၆၀ မမ တစ်လက်၊ ၆၀ မမ ဗုံးသီး ၅၂ လုံး၊ စကားပြောစက် အကြီး တစ်လုံး၊ အီနာဂါ ၁၃ လုံး၊ လက်ပစ်ဗုံး ၂၀ လုံး၊ RPG သီး ၂၂ လုံး၊ RPG ပို့ယမ်း ၁၆ ခု၊ တင့်ဖျက် ၃ ခု၊ ၄၀ မမ ဗုံးသီး ၁၂ လုံး၊ မြေမြှုပ်မိုင်း ၉ လုံးနဲ့ ၅ ဒသမ ၅၆ ကျည် ၁,၁၂၈ တောင့် သိမ်းဆည်း နိုင်ခဲ့တယ်လို့ သိရပါတယ်။
ဗမာပြည်သူ့လွတ်မြောက်ရေး တပ်တော်-BPLA ဟာ စစ်အာဏာရှင် အမြစ်ဖြတ်ရေး အတွက် တောင်ပိုင်း အမှတ် (၁၀၇) စစ်ဒေသနဲ့ မြောက်ပိုင်း အမှတ် (၂၀၃) စစ်ဒေသတို့မှာ မဟာမိတ်တွေနဲ့အတူ ညီညွတ်စွာ ပူးပေါင်း တိုက်ခိုက်နေတယ်လို့ ထုတ်ပြန်ချက်မှာ ဖော်ပြထားပါတယ်။
MK-009
#MekongNews
#ရှမ်းမြောက်
#လက်နက်ချ_အညံ့
#ညီနောင်_မဟာမိတ်