မဲခေါင်၊ မတ် ၂၉
ကချင်ပြည်နယ်၊ တရုတ် – မြန်မာ နယ်စပ် လွယ်ဂျယ်မြို့က စစ်ကောင်စီနဲ့ ဝန်ထမ်း၊ တပ်မိသားစုတွေ မတ်လ ၂၉ ရက်နေ့ မနက်မှာ တရုတ်နယ်စပ်ဘက် ဝင်ရန် ညှိနှိုင်းနေကြောင်း KIA ရှေ့တန်းနဲ့ နီးစပ်သူတွေနဲ့ ဒေသခံတွေဆီက သိရပါတယ်။
“ စစ်ကောင်စီတွေဘက်က မပစ်ဖို့ ညှိနှိုင်းလာတယ်။ သူတို့ဘာသာ သူတို့ ထွက်သွားမယ်လို့ပြောတယ်။ မနက်အစော ၄ နာရီကျော်ဝန်းကျင်က သူတို့တော့ ပစ်နေတယ်။ တရုတ်ဘက် ဝင်ဖို့ ညှိနေတယ်လို့ ကြားတယ်” လို့ KIA ရှေ့တန်းနဲ့ နီးစပ်သူ တစ်ဦးက ပြောပါတယ်။
ယမန်နေ့ မွန်းလွဲပိုင်းကစ KIA နဲ့ ပူးပေါင်းတပ်ဖွဲ့တွေက လွယ်ဂျယ်မြို့ကို ဝန်းရံ ပိတ်ဆို့ထားလို့ စစ်ကောင်စီဘက်က မပစ်ဖို့ ညှိနှိုင်းဝောာင်းဆိုလာတာလို့ ပြောပါတယ်။
အရပ်သား ပြည်သူတွေ ထိခိုက်မှု မရှိအောင် အတတ်နိုင်ဆုံး ကြိုးစားနေဆဲ ဖြစ်တယ်လို့ ဆိုပါတယ်။
“ မနက်အစောပိုင်းကတော့ တရုတ်ဘက်က တံခါးမဖွင့်ပေးသေးဘူး။ တရုတ်ဘက်ကတော့ တံခါးဖွင့်ရင် အရပ်သား ပြည်သူတွေ ဝင်မလာဖို့ပြောတယ်။ မပစ်တော့ဘူးပေါ့” လို့ ဒေသခံ အမျိုးသမီး တစ်ဦးက ပြောပါတယ်။
နယ်စပ်ဒေသခံ အမျိုးသားတစ်ဦးကဝောာ့ လွယ်ဂျယ်မြို့ကို KIA နဲ့ ပူးပေါင်းတပ်ဖွဲ့တွေ ထိန်းချုပ်ထားတယ်လို့ သိရပေမယ့် အတိအကျ ဂဃနဏ မသိရသေးဘူးလို့ ပြောပါတယ်။
မတ်လ ၂၇ ရက်နေ့ကစ KIA နဲ့ ပူးပေါင်းတပ်ဖွဲ့တွေဟာ လွယ်ဂျယ် – ဗန်းမော် လမ်းမကြီး အနီးနားက စစ်ကောင်စီ တပ်စခန်းတွေ ကို စတင် ထိုးစစ်ဆင် တိုက်ခိုက်ရာ နှစပေါင်းများစွာ စခန်းချထားတဲ့ ယောယုံ ဗျူဟာ အပါအဝင် စစ်ကောင်စီ ကာကင်းစခန်း ၉ ခုခန့် သိမ်းပိုက်ရရှိထားကြောင်း KIA ရှေ့တန်းနဲ့ နီးစပ် သူတွေဆီက သိရပါတယ်။
CJ-008