မဲခေါင်၊ အောက်တိုဘာ ၁၆
ဟားမက်စ်ကို အကြမ်းဖက်အဖွဲ့လို့ မသုံးနှုန်းဘဲ စစ်တပ်လို့သာ သုံးနှုန်းတဲ့ သတင်းထောက် ၇ ယောက်ကို ဘီဘီစီ သတင်းဌာနက အားချင်း စုံစမ်းအရေးယူသွားမယ်လို့ အောက်တိုဘာ ၁၆ ရက်နေ့မှာ ထုတ်ပြန်ခဲ့ပါတယ်။
အစ္စရေးတောင်ပိုင်းကို ဝင်တိုက်ခိုက်ခဲ့တဲ့ ဟားမက်စ်အဖွဲ့ကြောင့် အရပ်သား ၁၄၀၀ ကျော် အစုလိုက်အပြုံလိုက်သတ်ဖြတ်ခံခဲ့ရပြီး အယောက် ၁၅၀ ကျော်ကိုလည်း ဓားစာခံအဖြစ် ဖမ်းဆီးခေါ်ဆောင်သွားခဲ့ပါတယ်။
ဗြိတိန်ရဲ့ ကန်တာဘာရီနယ်မြေ ခရစ်ယာန်ဂိုဏ်းချုပ်ဟောင်း လော့ဒ်ကာရေက အစိုးရတစ်စိတ်တစ်ပိုင်း ကိုယ်စား ပြု ဘီဘီစီဟာ ဟားမက်စ်ကို နိုင်ငံတော်က အကြမ်းဖက်အဖွဲ့အစည်းအဖြစ် တရားဝင်သတ်မှတ်ကြောင်း ကြေ ညာထားပါလျှက် ဘီဘီစီဟာ ဟားမက်စ်စစ်တပ်လို့သာ သုံးနှုန်းနေတာ အလွန်ရှက်စရာကောင်းကြောင်း ဝေဖန် ပြောဆိုသွားပါတယ်။
ဘီဘီစီရဲ့ အာရဘီသတင်းထောက် ဆယ်လီနာဘီအပြင် တခြား သတင်းထောက် ၆ ယောက်ဟာ ဒီကာလမှာ ဟားမက်စ်ကိုထောက်ခံပြီး အစ္စရေးကိုဆန့်ကျင်တဲ့ လူမှုကွန်ရက် မှတ်ချက်တွေ၊ သဘောထားတွေကို တင်နေခဲ့လို့ လည်း ဘီဘီစီက အားချင်း စုံစမ်းပြီး အပြစ်ပေးသွားမယ်လို့ ထုတ်ပြန်လိုက်ရပါတယ်။
ဟားမက်စ်ဘက်က အစ္စရေးကိုကျူးကျော်ပြီး လူအစုလိုက်အပြုံလိုက်သတ်ကာ ကားပေါ် ဆွဲတင်ပြန်ပေးဆွဲနေတဲ့ ဗီဒီယိုမှာ ဘီဘီစီ သတင်းထောက်တစ်ယောက်က ဟားမက်စ်တွေကို လွတ်လမ်းရေးတိုက်ပွဲဝင်သူများလို့ မှတ်ချက်ရေးခဲ့သလို နောက်တစ်ဦးက မျှော်လင့်ချက်မနက်ရောင်ချည်လို့ ရေးသားခဲ့ပါတယ်။
ဟားမက်စ်ဘက် ယိမ်းပြီးဘက်လိုက်တဲ့ လူမှုကွန်ရက်မှတ်ချက်ရေးတဲ့ ဘီဘီစီသတင်းထောက် ၇ ယောက်ဟာ မာမွတ်ရှယ်လိုက်ဘ်၊ ဆယ်လ်မာခက်တက်ဘ်၊ အာယာဟော့ဆန်၊ ဆယ်လီနာဘီ၊ ဆန်နာခါအိုရီ၊ နာဒါအဘဒယ် ဆမတ်နဲ့ အီဂျစ်အားကစးပိုင်း သတင်းထောက် အေမာဖီကာရီတို့ဖြစ်ပါတယ်။
ဒီအာရပ်ပိုင်း သတင်းထောက်တွေ ထဲက တစ်ယောက်ဟာ ဟားမက်စ်တွေ အဖွားဖြစ်သူကို ပြန်ပေးဆွဲသွားလို့ ဝမ်းနည်းငိုကြွေးနေတဲ့ အမျိုးသမီးတစ်ဦး ဗီဒီယိုမှာ နင်အမွေတောင်းလိုက်ပေါ့လို့ ရေးသားခဲ့မှုလည်း ရှိတာကြောင့် ဗြိတိန် လွှတ်တော်အမတ်တွေဟာ ဘီဘီစီအပေါ် ပြင်းထန်စွာ ရှုတ်ချကန့်ကွက်နေကြပါတယ်။
Ref: thesun
MKF-001
#MeKongNews
#ဟားမက်စ်
#အစ္စရေး
#ဘီဘီစီ
#စစ်တပ်
#အကြမ်းဖက်အဖွဲ့
