မဲခေါင်၊ အောက်တိုဘာ ၁၂

အစ္စရေးတောင်ပိုင်းကို ဟားမက်စ်တပ်တွေ ဝင်ရောက်တိုက်ခိုက်မှုမှာ အီရန်ရဲ့ အစ္စလာမ္မစ်ရီပက်ဘလစ်နဲ့ တော်လှန်ရေးအစောင့်တပ် (Revolutionary Guards) တွေ ပါဝင်တယ်လို့ သိရတဲ့အတွက် အီရန်ခေါင်းဆောင်တွေကို ကောင်းကောင်း သတိထားကြပါလို့ အမေရိကန်သမ္မတ ဂျိုးဘိုင်ဒန်က သတိပေးခြိမ်းခြောက်ပြောဆိုခဲ့ပါတယ်။

အမေရိကန်ရဲ့ အဆင့်အမြင့်ဆုံး နျူကလီးယားတင်ဆောင် လေယာဉ်တင်သင်္ဘောကြီး USS Gerald R. Ford ဟာ အရန်စစ်သင်္ဘော ၆ စင်းပါ အုပ်စုနဲ့အတူ မြေထဲပင်လယ် အရှေ့ဘက် ကမ်းခြေကို ရောက်ရှိနေပြီး အီရန်ဟာ ဟားမက်စ်ရဲ့ ကျူးကျော်တိုက်ခိုက်မှုမှာ ထဲထဲဝင်ဝင်ပါဝင်နေတယ်လို့ အမေရိကန်ထောက်လှမ်းရေးသတင်း ရရှိ ထားတယ်လို့ ဂျိုးဘိုင်ဒန်က ဆိုပါတယ်။

ဒါကြောင့် အောက်တိုဘာ ၁၂ ရက်နေ့က ဂျူးလူမျိုးရေးခေါင်းဆောင်တွေ နဲ့ ဝါရှင်တန်မှာ တွေ့ဆုံစဉ် အီရန်ကို သတိပေးစကားပါ ဂျိုးဘိုင်ဒန်က ထုတ်ပြောသွားတာဖြစ်ပါတယ်။

“ကျွန်တော်တို့ သင်္ဘောအုပ်စုကို အရှေ့မြေထဲပင်လယ်ထဲ ပို့ထားပြီးဖြစ်ပါတယ်။ နောက်ထပ် ဂျက်ဖိုက်တာ လေယာဉ်တွေလည်း ထပ်ပို့ဦးမှာပါ။ ဒါကြောင့် အီရန်သားတွေ သတိကြီးကြီးထားကြပါ” လို့ ဂျိုးဘိုင်ဒန်က ပြောဆိုသွားခဲ့ တာဖြစ်ပါတယ်။

အီရန်ခေါင်းဆောင် အလီခါမီနီကတော့ အမေရိကန်ရဲ့ စွပ်စွဲမှုဟာ မဟုတ်မှန် ကြောင်းနဲ့ စစ်ရေးနဲ့ထောက်လှမ်းရေးပိုင်းမှာ အစ္စရေး ရှုံးသွားရတာမျိုးသာဖြစ်တယ်လို့ တုံ့ပြန်ပြောဆိုခဲ့ပါတယ်။

ကုလသမဂ္ဂ လုံခြုံရေးကောင်စီပြောရေးဆိုခွင့်ရှိသူ ဂျွန်ကာဘီကတော့ ပြီးခဲ့တဲ့ နှစ်ပိုင်းတွေအတွင်း အီရန်ဟာ ပါလက်စတိုင်းလက်နက်ကိုင်တွေကို ထောက်ပံ့မှုတွေရှိနေတာ သိရကြောင်း၊ ဒါပေမဲ့ ရှုပ်ထွေးနက်နဲတဲ့ အခြေ အနေဖြစ်ပြီး အမေရိကန်ပြောသလို အီရန်က အစ္စရေးကို ဝင်တိုက်တဲ့အထဲ ပါတယ်ဆိုတာ သက်သေမရှိသေး ဘူးလို့ ပြောကြားသွားပါတယ်။

အစ္စရေးဘက်က ထုတ်ပြန်ချက်အရ ဟားမက်စ်တွေ ကျူးကျော်တိုက်ခိုက်မှုမှာ စစ်သား ၁၈၉ ဦးအပါ ၁၂၀၀ ကျော် သေဆုံးခဲ့ရပြီး အစ္စရေးဘက်မှာ သေပြီးကျန်ခဲ့တဲ့ ဟားမက်စ်အလောင်းပေါင်း ၁၅၀၀ ရှိတယ်လို့ ထုတ်ပြန်ထားပါ တယ်။

Ref: iranwire
MKF-001

#MeKongNews

#အီရန်

#အစ္စရေး

#ဘိုင်ဒန်

#ဟားမက်စ်

#သတိပေး

(လွတ်လပ်သည့် မီဒီယာအဖြစ် ရေရှည်ရပ်တည်နိုင်ရေး သင်တို့အကူအညီလိုအပ်နေပါသည်။ ဤနေရာတွင် www.mekongnewsmm.com/donation နှိပ်၍ လှူဒါန်းနိုင်ပါသည်)