မဲခေါင်၊ ဖေဖော်ဝါရီ ၇
ဗြိတိန်ရေကြောင်းကုမ္ပဏီ Ambrey က သူတို့ပိုင် ကုန်တင်သင်္ဘော အရှေ့အလယ်ပိုင်း ပင်လယ်နီထဲ ခုတ်မောင်းစဉ် ဒရုန်းနဲ့တိုက်ခိုက်ခံရလို့ ပျက်ဆီးမှုအနည်းငယ်ဖြစ်ပွားခဲ့ပြီး ဒဏ်ရာရသေဆုံးမှု မရှိကြောင်း ဖေဖော်ဝါရီ ၆ ရက်နေ့မှ ထုတ်ပြန်ခဲ့ပါတယ်။
တိုက်ခိုက်တဲ့အဖွဲ့အစည်းဘယ်သူဆိုတာ ကြေညာမှုမရှိသေးပေမယ့် ယီမင်နိုင်ငံ ဟိုဒိုင်းဒါးမြို့ကနေ ပစ်ခတ်တာ ဖြစ်လို့ အီရန်ထောက်ပံ့ ဟူသီသူပုန်အဖွဲ့လက်ချက်သာ ဖြစ်မယ်လို့ ခန့်မှန်းနေကြပါတယ်။
နိုဝင်ဘာကတည်းက အစ္စရေး-ဟားမက်စ် စစ်ပွဲမှာ အစ္စရေးနဲ့ မဟာမိတ်တွေကို ဆန့်ကျင်မှုအဖြစ် အစ္စလာမ္မစ် လက်နက်ကိုင် အဖွဲ့ အသီးသီးဟာ အာရှနဲ့ဥရောပအတွက် အရေးအပါဆုံး ပင်လယ်နီထဲ ဖြတ်သန်းသွားလာတဲ့ သင်္ဘောတွေကို ပစ်ခတ်တိုက်ခိုက်မှုပေါင်း ဒါဇင်ချီ လုပ်ဆောင်နေခဲ့ကြပါတယ်။
ဒါ့အပြင် ပြီးခဲ့တဲ့ သောကြာနေ့က ဂျော်ဒန်နိုင်ငံက အမေရိကန် စစ်အခြေစိုက်စခန်းကို ဒရုန်း၊ ဒုံးကျည်တွေနဲ့ တိုက်ခိုက်မှုကြောင့် အမေရိကန် စစ်သား ၃ ဦးသေဆုံးခဲ့ပြီး ၅၀ ကျော် ဒဏ်ရာရခဲ့တာကြောင့် အမေရိကန်နဲ့ ဗြိတိန်တပ်တွေဟာ စနေနေ့က အီရတ်နဲ့ ဆီးရီးယားနိုင်ငံထဲက အီရန်တော်လှန်ရေးအစောင့်တပ်နဲ့ မဟာမိတ်တပ်တွေအခြေစိုက်ရာ ပစ်မှတ် ၃၆ ခုကို ပစ်ခတ်တိုက်ခိုက်ခဲ့ပါတယ်။
ဒါကြောင့် ရုရှားက အားချင်း ကုလသမဂ္ဂလုံခြုံရေးကောင်စီ အစည်းအဝေးခေါ်ပြီး အရှေ့အလယ်ပိုင်းဒေသရဲ့ မတည်မငြိမ်မှုနဲ့ စစ်ပွဲဖြစ်ပွား ဖို့ အလားအလာကို ဖော်ဆောင်တာဆိုပြီး အမေရိကန်ကို ရှုတ်ချခဲ့ပါတယ်။
အီရန်၊ တရုတ်တို့ကလည်း အမေရိကန် ကို နေ့စဉ် သူများအချုပ်အခြာအာဏာပိုင်နယ်မြေထဲ ပစ်ခတ်တိုက်ခိုက်နေတာ နိုင်ငံတကာ ဥပဒေကို ချိုးဖောက် တာလို့ အစည်းအဝေးမှာ ရှုတ်ချခဲ့ပေမယ့် အမေရိကန်ဘက်က ငြင်းဆိုလိုက်ပြီး ကိုယ့်ကိုယ်ကိုယ် ကာကွယ်မှု အတွက် ရန်သူကို တိုက်ခိုက်ရတာသာဖြစ်ကြောင်း၊ ဆက်ပြီးလည်း အင်အားမြှင့်တင်တိုက်ခိုက်သွားဦးမယ်လို့ ထုတ်ပြန်သွားပါတယ်။
Ref: gulftoday
MKF-001
#MeKongNews
#ဗြိတိန်
#သင်္ဘော
#ပျက်စီး
#ဒရုန်း