မဲခေါင်၊ ဖေဖော်ဝါရီ ၁၁
(၇၅) ကြိမ်မြောက် ကရင်အမျိုးသားနေ့-Karen National Day စိန်ရတု အခမ်းအနားကို ကရင်အမျိုးသား အစည်းအရုံး-KNU၊ ဌာနချုပ်မှာ ဒီကနေ့ ပြုလုပ်ခဲ့တယ်လို့ သိရပါတယ်။
အခမ်းအနားကို မနက် ၇ နာရီခွဲမှာ စတင်ပြီး သဘာပတိအဖြစ် KNU တွဲဖက်အထွေထွေအတွင်းရေးမှူး (၁) ပဒိုစောဆဲပွယ် နဲ့ အခမ်းအနားမှူးအဖြစ် ဆရာမ နော်ဂေဆဲမူး၊ ဆရာမ နော်အယ်နီအောင်တို့မှ ဆောင်ရွက်ခဲ့တယ်လို့ သိရပါတယ်။
အခမ်းအနားမှာ ဒုဗိုလ်မှူးကြီး စောမိုးဇက်မှ ဦးဆောင်ပြီး ကရင်အမျိုးသား အလံတော်ကို အလေးပြုကာ သဘာပတိ ပဒိုစောဆဲပွယ် မှ အဖွင့်မိန့်ခွန်း ပြောကြားပြီး (၇၅) ကြိမ်မြောက် စိန်ရတု ကရင်အမျိုးသားနေ့သို့ ပေးပို့တဲ့ ဥက္ကဋ္ဌ ဗိုလ်ချုပ်ကြီး စောမူတူးစေးဖိုးရဲ့ မိန့်ခွန်းကို ဆရာ စောအယ်ထီးကော် (KYO-ဗဟို တွဲဖက်အတွင်းရေးမှူး) မှ ဖတ်ကြားကာ မျိုးဆက်သစ် (NGLP) ကျောင်းသား ကျောင်းသူတွေမှ ဂုဏ်ပြုတေး သီချင်း သီဆို ဖျော်ဖြေခဲ့တယ်လို့ သိရပါတယ်။
ဒါ့အပြင် ဗဟို အလုပ်အမှုဆောင်ကော်မတီဝင် ပဒိုနော်ဒါးဒါး နဲ့ ဒုဗိုလ်မှူးကြီး စောအော်စီ (KNLA – HQ)တို့က မိန့်ခွန်း ပြောကြားခဲ့တယ်လို့ သိရပါတယ်။
(၇၅) ကြိမ်မြောက် ကရင်အမျိုးသားနေ့ စိန်ရတု အခမ်းအနားသို့ ကရင်အမျိုးသားအစည်းအရုံး ထိပ်ပိုင်း ခေါင်းဆောင်တွေ၊ ကရင်အမျိုးသား လွတ်မြောက်ရေး တပ်မတော် စစ်ဌာနချုပ် ခေါင်းဆောင်တွေ စစ်သည်တော်တွေ၊ ကရင်လူငယ်အစည်းအရုံး (KYO)မှ လူငယ်ခေါင်းဆောင်တွေ၊ မျိုးဆက်သစ် ခေါင်းဆောင်သင်တန်းကျောင်း (NGLP)မှ ကျောင်းသား/သူတွေနဲ့ ဒေသခံ ပြည်သူလူထုတွေမှ တက်ရောက် ဂုဏ်ပြုခဲ့ကြတယ်လို့ သိရပါတယ်။
MK-003
#MeKongNews
#KNU
#ကရင်အမျိုးသားနေ့
#NGLP