ဒီနေ့ ဇန်နဝါရီ ၄ ရက် မနက် ၇ နာရီ ဝန်းကျင်က ပစ်ခတ်မှု ဖြစ်ပွားခဲ့တာဖြစ်ပြီး သေဆုံးသူတွေဟာ အသက် ၃၀ ဝန်းကျင် အရွယ်တွေ ဖြစ်ကာ သေနတ်သံ ၅ ချက်ကျော် ကြားခဲ့ရတယ်လို့ ဒေသခံတစ်ဦးက ပြောပါတယ်။
သတင်းကြားတာ ကတော့ ALP က ၃ ယောက်လို့ပြောတယ်။ သေတဲ့သူတွေက ဗိုလ်စောမြ၊ ကျော်စိုးနဲ့ သူရိန်ထက် လို့ပြောတယ်။ သေနတ်နဲ့ အပစ်ခံရလို့ နေရာမှာပဲ ၃ ယောက်သေတယ်။ အလောင်းကိုတော့ သယ်သွားကြပြီ
လို့ မျက်မြင်တွေ့သူ တစ်ဦးက ပြောပါတယ်။
သေဆုံးသူတွေရဲ့ အလောင်းတွေကို စစ်တွေဆေးရုံကြီးသို့ ပို့ဆောင်ထားပြီး စစ်ကောင်စီနဲ့ ရဲများက သေနတ်ပစ်ခဲ့တဲ့ နေရာကို စစ်ဆေးမှုတွေ ပြုလုပ်ခဲ့တယ်လို့ သူကပြောပါတယ်။
အခု ပစ်ခတ်မှုကို ဘယ်အဖွဲ့က လုပ်ခဲ့တယ် ဆိုတာကိုတော့ သတင်းထုတ်ပြန် ကြေငြာတာ မရှိသေးပါဘူး။
ပြီးခဲ့တဲ့ လတွေမှာ တိုက်ပွဲ ပြင်းထန်ခဲ့တဲ့ ရခိုင်ပြည်နယ်မှာ စစ်ကောင်စီနဲ့ AA တို့ အပစ်ရပ်ထားတာကြောင့် လက်ရှိ တိုက်ပွဲတွေ ဖြစ်ပွားနေတာ မရှိပါဘူး။
