မဲခေါင်၊ အောက်တိုဘာ ၃၁
ကချင်ပြည်နယ်၊ ၀ိုင်းမော်မြို့နယ်၊ ဗန်းမော်-မြစ်ကြီးနားလမ်းရှိ ဂန်ဒေါက်ယန် စစ်ကောင်စီ ဗျူဟာစခန်းကို ဒီကနေ့ အောက်တိုဘာ ၃၁ ရက်နေ့၊ မနက်ပိုင်းက KIA ပူးပေါင်းတပ်ဖွဲ့ တိုက်ခိုက် သိမ်းပိုက်လိုက်တယ်လို့ KIA ရှေ့တန်းနဲ့ နီးစပ်သူတွေထံက သိရပါတယ်။
စစ်ရေးအရ အရေးပါတဲ့ ဂန်ဒေါင်ယန်မှာ စစ်ကောင်စီ တပ်စခန်ချထားတာ ဆယ်စုနှစ် တစ်ခုကျော်ပြီဖြစ်ပြီး တပ်အင်အား ရာချီ တပ်စွဲထားလေ့ရှိတယ်လို့ ဆိုပါတယ်။
“ဂန်ဒေါင်ယန် စစ်တပ် ကောင်းကောင်း သိမ်းလိုက်ပြီ။ ခုရှင်းလင်းရေး လုပ်နေတယ်” လို့ KIA ရှေ့တန်းနဲ့ နီးစပ်သူ တစ်ဦးက ပြောပါတယ်။
ဒါ့အပြင် ဗန်းမော်-မြစ်ကြီးနားလမ်း၊ မလိ ဘက်က စစ်ကောင်စီ စခန်း တစ်ခုကိုလည်း တိုက်ခိုက်နေဆဲဖြစ်ပြီး အခြေအနေ အသေးစိတ် မသိရသေးဘူးလို့ ဆိုပါတယ်။
“(ဂန်ဒေါင်ယန် စခန်းကို) မနက် ၈ နာရီလောက်မှာ သိမ်းတာ။ ဒါပေမယ့် လေကြောင်း ဗုံးအဆက်မပြတ် ကြဲနေတယ်” လို့ နောက်ထပ် သတင်းရင်းမြစ် ဦးတစ်က ပြောပါတယ်။
ဒီစခန်းသိမ်း တိုက်ပွဲ အတွင်း ၂ ဖက် ထိခိုက်ကျဆုံးမှုနဲ့ လက်နက် ခဲယမ်း သိမ်းဆည်း ရရှိမှု အခြေအနေတွေ ကိုတော့ မသိရသေးဘူးလို့ သတင်းရင်းမြစ်တွေက ပြောပါတယ်။
မနေ့ကလည်း ရှမ်းပြည်နယ် မြောက်ပိုင်း၊ နမ္မတူ မုံးမော်ဘက်ရှိ နမ့်ဟိုင်း အခြေစိုက် စစ်ကောင်စီ ခမရ (၃၂၄) တပ်စခန်းကို KIA တပ်မဟာ (၄)၊ တပ်ရင်း (၈) က သိမ်းပိုက်ခဲ့ပါသေးတယ်။
CJ-008
#MekongNews
#ဂန်ဒေါင်ယန်
#ဗန်းမော်_မြစ်ကြီးနားလမ်း
#KIA
