မဲခေါင်၊ အောက်တိုဘာ ၄

တောင်အာဖရိက အမျိုးသားမွေးမြူရေးလုပ်ငန်းအသင်းကြီးက ကြက်ငှက်တုပ်ကွေးမျိုးခွဲသစ်တွေများစွာ နိုင်ငံတဝန်းကူးစက်နေလို့ ကြက်ကောင်ရေ ၇ . ၅ သန်းအထိ သုတ်သင်ရှင်းလင်းခဲ့ကြောင်း အောက်တိုဘာ ၃ ရက်နေ့မှာ ထုတ်ပြန်ကြေညာခဲ့ပါတယ်။

နိုင်ငံတဝန်း တုပ်ကွေးမျိုးခွဲပေါင်း ၆၀ ကျော် ကူးစက်ရာက ကြက်ကောင်ရေ ၂၀၅၀၀၀ သေဆုံးခဲ့ရပြီး ထက်ဝက် လောက်က ဂူတန်းခရိုင်မှာ သေဆုံးခဲ့တာဖြစ်ပါတယ်။

နိုင်ငံအကြီးဆုံးမြို့ ဂျိုဟန်နက်စ်ဘက်မှာရော မြို့တော် ပရီတိုးရီးယားမှာပါ ကြက်ငှက်တုပ်ကွေးရောဂါ ကူးစက်ပျံ့နှံ့မှုနှုန်း များလာလို့ ကြက်ကောင်ရေ ၇ . ၅ သန်းအထိ ကို သုတ်သင်ရှင်းလင်းခဲ့တာလည်းဖြစ်ပါတယ်။

အသားစားကြက် ၂ . ၅ သန်း၊ ဥစားကြက် ၅ သန်းကို သုတ်သင်ခဲ့ရတာကြောင် နိုင်ငံ ကြက်သားနဲ့ကြက်ဥ စျေးကွက် ရဲ့ ၂၀ ရာခိုင်နှုန်းကနေ ၃၀ ရာခိုင်နှုန်းအထိ ဆုံးရှုံးခဲ့ရတာကြောင့် ကြက်သားနဲ့ ကြက်ဥ စျေးကွက်မှာ ရှားပါးမှုတွေကြုံနေရသလို လုယက်ဝယ်ယူမှုတွေဖြစ်လာလို့ တစ်ပတ်မှာ လူတစ်ဦးကို ခြောက်လုံးပါ ကြက်ဥကတ် ၁ ကတ်သာ ဝယ်ဖို့ကန့်သတ်မှုတွေလည်း လုပ်ဆောင်နေပါတယ်။

တောင်အာဖရိကမှာ ပြီးခဲ့တဲ့နှစ်ပိုင်းတွေအတွင်း ကြက်ငှက်တုပ်ကွေးရောဂါကြောင့် ကြက်သား၊ ကြက်ဥ လုပ်ငန်း ခွင်မှာ ဒေါ်လာ ၂၅ သန်း ထိခိုက်ဆုံးရှုံးခဲ့ရပြီး ဒီတစ်ကြိမ်ဆုံးရှုံးမှုက အကြီးမားဆုံးဖြစ်တယ်လို့ စိုက်ပျိုးရေးနဲ့ မွေး မြူရေးဝန်ကြီး ဒီဒီဇာက ရှင်းလင်းပြောကြားသွားပါတယ်။

Ref: npr
MKF-001

#MeKongNews

#တောင်အာဖရိက

#ကြက်တုပ်ကွေး

#သုတ်သင်

(လွတ်လပ်သည့် မီဒီယာအဖြစ် ရေရှည်ရပ်တည်နိုင်ရေး သင်တို့အကူအညီလိုအပ်နေပါသည်။ ဤနေရာတွင် www.mekongnewsmm.com/donation နှိပ်၍ လှူဒါန်းနိုင်ပါသည်)