မဲခေါင်၊ ဇူလိုင် ၂၇

မကွေးတိုင်း၊ ဂန့်ဂေါခရိုင်၊ ဆောမြို့နယ်၊ ကန်ချောင်းရွာအနီး၊ မြင်းကာတောင်ခြေမှာ အင်အား ၁၃၀ ခန့်ပါတဲ့ စစ်ကောင်စီ စစ်ကြောင်းကို PDF နဲ့ မဟာမိတ်တပ်ဖွဲ့တွေ ပူးပေါင်း တိုက်ခိုက်ခဲ့တယ်လို့ သိရပါတယ်။

ဇူလိုင် ၂၆ ရက်နေ့၊ နေ့လယ် ၁၂ နာရီ ဝန်းကျင်ကနေ ၃ နာရီ ၀န်းကျင်အထိ အဆိုပါ စစ်ကောင်စီ စစ်ကြောင်းကို PDF ဂန့်ဂေါခရိုင် အမှတ်(၃)၊ (၅)၊ (၈)၊ (၁၃) တပ်ရင်း၊ CDF မင်းတပ်၊ CDF ကန်ပက်လက်၊ ဆောPDF (YRPA)၊ YDF-Saw ပူးပေါင်း အဖွဲ့တွေ စောင့်ကြို တိုက်ခိုက်ခဲ့တယ်လို့ ဆိုပါတယ်။

အဆိုပါ တိုက်ပွဲ အတွင်း စစ်သား ၄ ဦး သေဆုံးပြီး PDF မဟာမိတ် ပူးပေါင်းတပ်ဖွဲ့များဘက်မှ အထိခိုက်မရှိ ဆုတ်ခွါနိုင်ခဲ့တယ်လို့ အမျိုးသား ညီညွတ်ရေး အစိုးရ၊ ကာကွယ်ရေးဝန်ကြီးဌာန(MOD) က ထုတ်ပြန်ထားပါတယ်။

#Mekongnews

#PDF

#MOD

#ဆော

#စစ်ကောင်စီစစ်ကြောင်း

ဓာတ်ပုံ-မကွေးတိုင်းအတွင်းရှိ ပြည်သူ့ကာကွယ်ရေးတပ်မတော်သားများ။

(လွတ်လပ်သည့် မီဒီယာအဖြစ် ရေရှည်ရပ်တည်နိုင်ရေး သင်တို့အကူအညီလိုအပ်နေပါသည်။ ဤနေရာတွင် www.mekongnewsmm.com/donation နှိပ်၍ လှူဒါန်းနိုင်ပါသည်)