မဲခေါင်၊ ဇူလိုင် ၂၆

စစ်ကိုင်းတိုင်း၊ ခင်ဦးမြို့နယ်၊ သံဘိုရွာနဲ့ ပေါက်တောကျေးရွာကို စစ်တပ်က ဒီကနေ့ ဇူလိုင်၂၆ ရက်၊ မနက်ပိုင်းက လက်နက်ကြီး လက်နက်ငယ်တွေနဲ့ ပစ်ခတ် ဝင်ရောက်နေလို့ ဒေသခံ ၅,၀၀၀ ကျော် ထွက်ပြေးတိမ်းရှောင် နေရတယ်လို့ သတင်းရရှိပါတယ်။

ရွှေဘိုကိုးပင်နဲ့ ဖိုလ်ကုန်းဘက်က လာတဲ့ အင်အား ၁၀၀ ကျော်ပါ စစ်ကြောင်းက ဒီမနက်ပိုင်းက လက်နက်ကြီး လက်နက်ငယ်တွေနဲ့ ပစ်ခတ်ပြီး ရွှေမိုးအောင်ဘုရားမှ တစ်ဆင့် သံဘိုရွာကို ဝင်ရောက်ခဲ့တာ ဖြစ်ပါတယ်။

စစ်တပ် ဝင်ရောက်လာတဲ့ သံဘိုရွာ အပါအဝင် ရေအေးကုန်း၊ ကျီးကန် စတဲ့ ကျေးရွာတွေက ဒေသခံ ၃,၀၀၀ ထွက်ပြေး နေရတယ်လို့ သိရပါတယ်။

အလားတူ ခင်ဦးမြောက်ဘက်ခြမ်းရှိ မဒေါင်းလှ ပျူရွာက အင်အား ၂၅ ဦးပါ စစ်တပ်က ပေါက်တောကျေးရွာကို ဒီမနက် အစောပိုင်းမှာ ပစ်ခတ်ဝင်ရောက်လို့ ပေါက်တောရွာ အပါအဝင် အင်ကြင်းပင်၊ စောကြီး စတဲ့ ကျေးရွာတွေက ဒေသခံ ၂,၀၀၀ ကျော် ထွက်ပြေးနေရပြီး စစ်တပ်က အမျိုးသား တစ်ဦးနဲ့ အမျိုးသမီး တစ်ဦးကို ဖမ်းဆီးသွားတယ်လို့ ဒေသခံတွေက ပြောပါတယ်။

MK-005

#MekongNews

#ခင်ဦးမြို့နယ်

#လက်နက်ကြီး

#ရွှေမိုးအောင်ဘုရား

(လွတ်လပ်သည့် မီဒီယာအဖြစ် ရေရှည်ရပ်တည်နိုင်ရေး သင်တို့အကူအညီလိုအပ်နေပါသည်။ ဤနေရာတွင် www.mekongnewsmm.com/donation နှိပ်၍ လှူဒါန်းနိုင်ပါသည်)