မဲခေါင်၊ ဧပြီ ၆

တာချီလိတ်မြို့၊ ပုန်းထွန်ရပ်ကွက်၊ ကျောက်တောင်ဘက်က မူးယစ်ဆေးသုံးသူတွေထဲမှာ သင်္ဃန်းဝတ်ဘုန်းကြီးတွေပါ ပါဝင်လာတယ်လို့ ဒေသခံတွေထံကနေသိပါတယ်။

ဒီနှစ်ပိုင်းတွေထဲမှာ ပုန်းထွန်ရပ်ကွက်၊ ကျောက်တောင်ဘက်မှာ WYဆေးပြား ရှူတဲ့နေဟာတွေပိုများလာပြီး လာရောက်သုံးစွဲသူတွေထဲမှာ သင်္ဃန်းဝတ်တဲ့ ဘုန်းကြီးတွေပါဝင်လာတာဖြစ်တယ်လို့ ဒေသခံတစ်ဦးက ပြောပါတယ်။

“တချို့က ဘုန်းကြီးအတုတွေ။ သိသာတယ်။ တချို့ကတော့ တကယ့်ဘုန်းကြီး အစစ်ပုံပဲ။ သင်္ဃန်းရုံတာလည်း တော်တော်သပ်ရပ်တယ်။ ဒါပေမယ့် ဘယ်လိုမှ အမြင်မသင့်တော်ပါဘူး” လို့သူကပြောပါတယ်။

တာချီလိတ်က ကျောက်တောင်အရပ်ဟာ မူးယစ်ဆေး သုံးစွဲသူတွေ၊ ခိုးဆိုးလုယက်သူတွေ အစဉ်အဆက်နေထိုင်အခြေချရာနေရာလည်း ဖြစ်ပါတယ်။

#MeKongNews

#တာချီလိတ်

#မူးယစ်ဆေးဝါး

(လွတ်လပ်သည့် မီဒီယာအဖြစ် ရေရှည်ရပ်တည်နိုင်ရေး သင်တို့အကူအညီလိုအပ်နေပါသည်။ ဤနေရာတွင် www.mekongnewsmm.com/donation နှိပ်၍ လှူဒါန်းနိုင်ပါသည်)