မဲခေါင်၊ ဖေဖော်ဝါရီ ၁၉
ရန်ကုန်တိုင်း၊ အင်းစိန်မြိူ့နယ်၊ အင်းစိန်ရွာမအနောက် ရပ်ကွက်အတွင်းရှိ နေအိမ်တစ်လုံးတွင် လက်နက်ခဲယမ်းများ ရှာဖွေတွေ့ရှိခဲ့လို့လူငယ် အချို့ကို စစ်ကောင်စီက ဖမ်းဆီးသွားတယ်လို့ ဒေသခံတွေက မဲခေါင်သတင်းဌာနကို ပြောပါတယ်။
ဖေဖော်ဝါရီ ၁၈ရက် ည၈နာရီကျော်အချိန်က ဝင်ရောက်ဖမ်းဆီးခဲ့တာဖြစ်ပြီး လူငယ်အချို့နဲ့လက်နက်ခဲယမ်းတွေ ရှာဖွေတွေ့ရှိခဲ့ပေမယ့် အရေအတွက်တော့ မသိရှိရသေးဘူးလို့ ရပ်ကွက်နေပြည်သူတစ်ဦးက ပြောပါတယ်။
“ အဲ့ရပ်ကွက်မှာ ကျော်ဝင်းစိန်ဆိုတဲ့ ဒလန်ကောင်ရှိတယ်။ ဒီကိစ္စလည်း ဒီကောင်သတင်းပေးပြီး ချွန်တာဖြစ်ဖို့များတယ်။ ဖမ်းနေတာတာတွေ့ပေမယ့် အနီးကပ်ကြည့်လို့မရတော့ လူဘယ်နှယောက်လည်းဆိုတာ မသိရဘူး။ ဖမ်းပြီးတော့ ကားပေါ်တင်နေတာတော့ မြင်လိုက်တယ်။ လက်နက်တွေနဲ့ယမ်းတွေလည်း မိတယ်လို့ကြားတယ်” လို့သူက ပြောပါတယ်။
စစ်ကောင်စီက ဖမ်းဆီးမှုပြီးဆုံးခဲ့ပြီးနောက် အဲဒီနေအိမ်အတွင်း အဝင်အထွက်လုပ်ခဲ့တဲ့ သူတွေကိုစာရင်းပြုလုပ်နေပြီး ဖမ်းဆီးနိုင်ဖို့အတွက် လိုက်လံရှာဖွေမှုတွေ ပြုလုပ်နေတယ်လို့ ဒေသခံတွေကပြောပါတယ်။
ရန်ကုန်တိုင်းအတွင်း စစ်ကောင်စီကလုံခြုံရေးတင်းကြပ်နေပေမယ့် စစ်ကောင်စီဆန့်ကျင်ရေး လှုပ်ရှားမှုတွေကိုတော့ နေ့စဥ်မြို့နယ်အချို့မှာ ကျင်းပပြုလုပ်နေတယ်လို့ ဒေသခံပြည်သူတွေက ပြောပါတယ်။
မှတ်ချက် – ပုံဟောင်း
MK-005
#MekongNews
#အင်းစိန် #လက်နက်ခဲယမ်း #လူငယ်တချို့အဖမ်းခံရ
