မဲခေါင်၊ ဖေဖော်ဝါရီ ၁၁
စစ်ကောင်စီ၏ လူ့အခွင့်အရေးချိုးဖောက်မှုများကြောင့် ဇန်နဝါရီ တစ်လအတွင်း ကရင်နီပြည်သူ အမျိုးသား ၄ ဦးသေဆုံးခဲ့ရသည်ဟု ကရင်နီလူ့အခွင့်အရေးအဖွဲ့ – KnHRG က သတင်းထုတ်ပြန်သည်။
သေဆုံးခဲ့သူများအနက် ၂ ဦးမှာ စစ်ကောင်စီက လက်နက်ကြီးဖြင့် ပစ်ခတ်မှုကြောင့် သေဆုံးခဲ့ရခြင်းဖြစ်ပြီး လေယာဉ်ဖြင့် ဗုံးကြဲမှုကြောင့် တစ်ဦးနှင့် မိုင်းနင်းမိမှုကြောင့် တစ်ဦးဖြစ်သည်ဟု KnHRG ကဆိုသည်။
ထို့ပြင် စစ်ကောင်စီ၏ အကြမ်း ဖက်မှုများကြောင့် ကရင် နီပြည်သူ အမျိုးသား ၇ ဦး၊ က လေး၃ ဦးနှင့် အမျိုးသား၊ အ မျိုးသမီး မသိရသူ ၅ ဦးလည်း ထိ ခိုက်ဒဏ်ရာရခဲ့သည်ဟု KnHRG က ကောက်ယူထားသည့် စာရင်းတွင် ဖော်ပြသည်။
ဇန်နဝါရီလအတွင်း စစ်ကောင်စီနှင့်လက်အောက်ခံ PNO ပြည်သူ့ စစ်က ကရင်နီပြည်အတွင်း လူ့အခွင့်အရေး ချိုးဖောက်မှု ၂၅ ကြိမ် ပြုလုပ်ခဲ့ကြပြီး ယင်းတွင် ပြည်သူလူထုနေ အိမ် ၆၉ လုံး၊ ဘာသာရေး အ ဆောက်အဦး ၃ လုံး၊ စာသင် ကျောင်း ၄ ကျောင်း၊ ပြည်သူပိုင် အဆောက်အဦးတစ်လုံး ပျက်စီးခဲ့ရသည်ဟုလည်း KnHRG ၏ ထုတ်ပြန်ချက်တွင်တွေ့ရသည်။
ထိုပျက်စီးသွားသည့် ပြည်သူနေ အိမ်များအနက် နေအိမ် ၄၈ လုံးမှာ စစ်ကောင်စီနှင့် PNO က ၃ ကြိမ်တိုင်တိုင် မီးရှို့ဖျက်ဆီးခဲ့ခြင်း ဖြစ်ပြီး နေအိမ်အတွင်းရှိ ပစ္စ ည်းများကိုလည်း စစ်ကောင်စီနှင့် PNO က ခိုးယူသွားခဲ့ကြသည်ဟု ထုတ်ပြန်ချက်က ဆိုသည်။
ကရင်နီပြည်အတွင်း စစ်ကောင်စီ ၏ လူ့အခွင့်အရေးချိုးဖောက်မှု ဆက်လက်ဖြစ်ပွား မြင့်တက်လာနေခြင်းသည် ပြည်သူလူထု၏ လုံ ခြုံရေးအတွက် ကြီးမားသော ခြိမ်းခြောက်မှုတစ်ရပ် ဖြစ်လာနေ သည်ဟု KnHRG က ပြောသည်။
ထို့ကြောင့် လူ့အခွင့်အရေး ချိုးဖောက်မှု ခံစားနေရသော လူထုအတွက် တရားမျှတမှု ပြန်လည် ရရှိနိုင်စေရေး လုံခြုံရေးအကာအ ကွယ် ပေးနိုင်သော တိုင်ကြားမှု ဖြေရှင်းရေး ယန္တရားတစ်ရပ် တည်ဆောက်ရန် လိုအပ်သည်ဟုလည်း KnHRG က ထုတ်ပြန်ချက်တွင် အကြုံပြု တိုက် တွန်းထားသည်။
#MeKongnews
#စစ်ကောင်စီ
#အကြမ်းဖက်မှု
#ကရင်နီပြည်သူ
#သေဆုံး
