မဲခေါင်၊ ဇန်နဝါရီ ၁၂
တရုတ်ဖိအားကြောင့် TNLA က ဆုတ်ခွာပေးခဲ့သည့် ရှမ်းပြည်မြောက်ပိုင်း၊ မိုးမိတ်နှင့် မန္တလေးတိုင်း မိုးကုတ် နယ်စပ်အကြား နေရာများတွင် စစ်ကောင်စီတပ်နှင့် တော်လှန်ရေးတပ်များ တိုက်ပွဲ ပြင်းထန်နေကြောင်း ဒေသတွင်း သတင်းရင်းမြစ်များအရ သိရသည်။
မိုးမိတ်မြို့နှင့် မိုးကုတ်မြို့နယ် အစပ်ဖြစ်သည့် ထုံးဖိုရွာ၊ ဟွေလိပ်ရွာ၊ ကုန်းမကန်းရွာများ၏ တောင်ကြောတွင် စစ်ကောင်စီ၏ တပ်မ – ၁၁၊ ၅၅ နှင့် ၉၉ နောက်ချန်တပ်များနှင့် ဇန်နဝါရီ ၁၀ ရက်မှ ယနေ့ အထိ တိုက် ပွဲ များ အပြင်းအထန် ဖြစ်ပွားနေခြင်း ဖြစ်သည်။
ယင်းတိုက်ပွဲများ ဖြစ်ပွားနေသည့် လမ်းကြောသည် မိုးမိတ်မြို့နယ် အောက်မန်ကျည်းပင်ရွာသို့ သွားလာဆက် သွယ်နိုင်သော တောင်တက် တောင်ဆင်းလမ်း ဖြစ်ကြောင်း သိရသည်။
မန်ကျည်းပင်ရွာတွင် စစ်ကောင်စီတပ် စခန်းချနေပြီး တွင်းငယ်သွားရာ လမ်းပိုင်းဘက်ကို လက်နက်ကြီးဖြင့် နေ့စဥ် ပစ်ခတ်နေသည်ဟု ဒေသခံများက ပြောသည်။
“နေ့တိုင်းပစ်နေတာ၊ မြို့ပေါ်လည်း စစ်တပ်ရှိပေမယ့် ကျေးရွာတွေဘက်တော့ တော်လှန်ရေးတပ်တွေ ရှိတယ်”ဟု ဒေသခံတစ်ဦးက ပြောသည်။
ပြီးခဲ့သည့် ဒီဇင်ဘာ ၁၁ ရက်တွင် မိုးမိတ်မြိုနယ်၊ ရေတံခွန်နှင့် ကောင်ရာရွာကြား လယ်ကွင်းထဲသို့ လက်နက်ကြီး ကျရောက် ပေါက်ကွဲသဖြင့် နွားကျောင်းနေသော ရေတံခွန်ရွာသူ အမျိုးသမီးကြီးတစ်ဦး သေဆုံးခဲ့ရသေးသည်။
#MeKongNews
#မိုးမိတ်
#တိုက်ပွဲ
#ပြင်းထန်
#TNLA
