ဦးဝင်းနိုင် (မိုးလေဝသပညာရှင်)

· ယခု တစ်ပတ်အတွင်း ရှမ်းပြည်တွင်မိုးရွာသွန်းနိုင်မည့် အခြေအနေ

– ရှမ်းပြည်မြောက်ပိုင်းနှင့် တောင်ပိုင်းဒေသအချို့တွင် ယခုတစ်ပတ်အတွင်း မိုးအနည်းငယ် (၂၄ နာရီအတွင်း မိုးရေ ချိန် ၀ ဒသမ ၅ မီလီမီတာ မှ ၁ ဒသမ ၅ မီလီမီတာခန့်) ရွာနိုင်၊ မိုးအလွန်နည်းနိုင်ပြီး ရှမ်းပြည်အရှေ့ပိုင်းတွင် မိုးရွာနိုင်သည့် အခြေအနေမရှိပါ။
– ကျိုင်းတုံမြို့နယ်တွင် ဇန်နဝါရီ ၃ ရက်နှင့် ၄ ရက်များတွင် မိုးအနည်းငယ်( ၂၄ နာရီအတွင်း ၁ ဒသမ ၅ မီလီမီတာ ခန့် ) ရွာနိုင်သည်။

· အပူချိန်

– ယခုတစ်ပတ်အတွင်း ရှမ်းပြည်မြောက်ပိုင်း၊ လားရှိုးမြို့တွင် အမြင့်ဆုံးနေ့အပူချိန် ၂၃°C ရှိနိုင်ပြီး အနိမ့်ဆုံးညအပူ ချိန် ၉°C အထိ ကျဆင်းနိုင်သည်။ မူဆယ်မြို့တွင် အမြင့်ဆုံးနေ့အပူချိန် ၂၁°C နှင့် အနိမ့်ဆုံးအပူချိန် ၈°C ရှိပြီး နံနက်ပိုင်းအချိန်များတွင် တိမ်အနိမ့်များ ဖြစ်ထွန်း၍ နံနက်အစောပိုင်း ၁ နာရီမှ နံနက် ၉ နာရီအတွင်း မြူဆိုင်းနိုင်သည်။
– ရှမ်းပြည်တောင်ပိုင်း၊ တောင်ကြီးမြို့တွင် အမြင့်ဆုံးနေ့အပူချိန် ၂၁°C နှင့် အနိမ့်ဆုံးညအပူချိန် ၇°C အထိ ရှိနိုင် သည်။
– ရှမ်းပြည်တောင်ပိုင်းသည် ရှမ်းပြည်နယ်အတွင်း အအေးဆုံးဒေသ ဖြစ်နိုင်ပြီး တိမ်အနည်းငယ် ဖြစ်ထွန်းနိုင်သည်။ အင်းလေးဒေသ ခေါင်တိုင်၊ မိုင်းသောက်၊ အင်းပေါခုံ၊ ရွာမ စသည့် ဒေသများတွင် နံနက်အစောပိုင်း ၁ နာရီမှ နံနက် ၉ နာရီအတွင်း မြူဆိုင်းပြီး တိမ်အနိမ့်များ ဖြစ်ထွန်းနိုင်သည်။
– ရှမ်းပြည်အရှေ့ပိုင်း၊ တာချီလိတ်မြို့နယ်တွင် အမြင့်ဆုံးနေ့အပူချိန် ၂၆°C ရှိနိုင်ပြီး အနိမ့်ဆုံးညအပူချိန် ၁၃°C ခန့် ရှိနိုင်သည်။ ဇန်နဝါရီ ၈ ရက် နံနက်အစောပိုင်းတွင် မြူဆိုင်းနိုင်သည်။
– ကျိုင်းတုံမြို့နယ်တွင် အမြင့်ဆုံးနေ့အပူချိန် ၂၃°C ရှိနိုင်ပြီး အနိမ့်ဆုံးညအပူချိန် ၁၁°C ရှိနိုင်သည်။ ယခုတစ်ပတ်အတွင်း ဇန်နဝါရီ ၃ ရက် မှ ၈ ရက်အထိ နံနက် ၆ နာရီ မှ ၉ နာရီအတွင်း တိမ်အနိမ့်များ အသင့်အတင့် ဖြစ်ထွန်းပြီး မြူဆိုင်းနိုင်သည်။

· လေတိုက်နှုန်း

– ရှမ်းပြည်တခွင်တွင် ယခု တစ်ပတ်အတွင်း အနောက် – အနောက်မြောက်ဘက် အရပ်များမှ လေတိုက်နှုန်း အမြင့် ဆုံး တစ်နာရီ ၅ မိုင်မှ GUST ၁၅ မိုင်ခန့် တိုက်နိုင်သည်။

· လေထုစိုထိုင်းဆ

– ရှမ်းပြည်တစ်ခုလုံးတွင် နေ့လယ်ပိုင်းလေထုစိုထိုင်းဆ ၃၀ ရာခိုင်နှုန်းမှ ၄၀ ရာခိုင်နှုန်းဝန်းကျင် ရှိနိုင်ပြီး၊ ညနေပိုင်း၊ ညပိုင်းနှင့် နံနက်အစောပိုင်း အချိန်များတွင် ၇၀ ရာခိုင်နှုန်းမှ ၈၀ ရာခိုင်နှုန်းအထိ ရှိနိုင်သည်။
– နေ့လည်ပိုင်း လေထုစိုထိုင်းဆ မြင့်မားသည့် ဒေသများတွင် ခံစားရသည့်အပူချိန် အမြင့်ဆုံး (Feels Like Tem perature) မှာ ၂၄°C ခန့် ရှိနေနိုင်သည်။

· မြေဆီလွှာစိုထိုင်းဆ

– ရှမ်းပြည်တောင်ပိုင်းနှင့် မြောက်ပိုင်းတို့၏ ပျမ်းမျှမြေဆီလွှာ စိုထိုင်းဆသည် မြေအောက်အနက် ၄၀ စင်တီမီတာ (၁၆ လက်မခန့်)တွင် ၇ ရာခိုင်နှုန်းနှင့် မြေအောက်အနက် ၁၀၀ စင်တီမီတာ (လက်မ ၄၀ ခန့်)တွင် ၂၂ ရာခိုင်နှုန်းခန့် ရှိနိုင်သည်။ ရှမ်းပြည်အရှေ့ပိုင်း ဒေသများတွင် မြေအောက်အနက် ၄၀ စင်တီမီတာ (၁၆ လက်မခန့်) တွင် ၂၀ ရာခိုင်နှုန်းနှင့် မြေအောက်အနက် ၁၀၀ စင်တီမီတာ (လက်မ ၄၀ ခန့်) တွင် ၃၃ ရာခိုင်နှုန်းခန့် ရှိနိုင်သည်။
– ရှမ်းပြည်မြောက်ပိုင်းနှင့် တောင်ပိုင်းတို့၏ မြေဆီလွှာအတွင်း ရေဓာတ်ပါဝင်နှုန်းသည် ယခုတစ်ပတ်အတွင်း နှစ်စဉ် ဖြစ်မြဲအောက် ၁၅ မီလီမီတာမှ ၁၇ မီလီမီတာခန့် လျော့နည်းနေနိုင်ပြီး ရှမ်းပြည် အရှေ့ပိုင်းဒေသများတွင် မြေဆီလွှာအတွင်း ရေဓာတ်ပါဝင်နှုန်းသည် နှစ်စဉ် ဖြစ်မြဲအောက် ၆ ဒသမ ၄ မီလီမီတာခန့် လျော့နည်းနိုင်သည်။
မြေဆီလွှာအစိုဓာတ် ကိန်းအောင်းမှုနှင့် မြေဆီလွှာစိုထိုင်းဆ လျော့နည်းလာချိန်တွင်
– မြေဆီလွှာအစိုဓာတ်ကို ထိန်းသိမ်းနိုင်ရန် ရေသွင်းခြင်း
– ဟင်းသီးဟင်းရွက်နှင့် ပန်းစိုက်ခန်းများတွင် နေကာစများမိုးပေးခြင်း
– စိုက်ပျိုးပင်များ၏ ပင်စည်၊ အရွက်ခြောက်သွေ့ ညှိုးနွမ်းလာမှုအား သတိထား စောင့်ကြည့်ခြင်းများကို စိုက်ပျိုးရေး ပညာရှင်များနှင့် တိုင်ပင်ပြီး ဆောင်ရွက်ရန် လိုအပ်ပါသည်။

· လေထုညစ်ညမ်းမှု အခြေအနေ

– ရှမ်းပြည်တောင်ပိုင်း၊ တောင်ကြီးမြို့၏ လေထုညစ်ညမ်းမှု အခြေအနေ (AQI Value) သည် ၇၂ ရှိနိုင်ပြီး၊ ရှမ်းပြည် မြောက်ပိုင်း၊ လားရှိုးတွင် ၆၂ နှင့် ရှမ်းပြည်အရှေ့ပိုင်း၊ တာချီလိတ်တွင် ၆၅ ရှိနိုင်ပါသည်။ ရှမ်းပြည်တစ်ခုလုံးတွင် အန္တရာယ်ရှိနိုင်သည့် လေထု ညစ်ညမ်းမှုအဆင့် မရှိပါ။

· ပင်လယ်ပြင်မှ ထူးခြားသည့်မိုးလေဝသ အခြေအနေ

– အိန္ဒိယသမုဒ္ဒရာ မြောက်ပိုင်း၊ အာရေဗျပင်လယ်၊ ဘင်္ဂလားပင်လယ်အော်၊ ကပ္ပလီပင်လယ်နှင့် တောင်တရုတ် ပင် လယ်ပြင်များတွင် ထူးခြားသည့် အခြေအနေ (လေဖိအားနည်းရပ်ဝန်း/မုန်တိုင်း) ဖြစ်ပေါ်မှု/ ဖြစ်ပေါ်ရန် မရှိပါ။
– ကမ္ဘာ့တောင်ဘက်ခြမ်း၊ အိန္ဒိယသမုဒ္ဒရာ တောင်ဘက်ခြမ်းတွင် ဆိုင်ကလုန်းမုန်တိုင်း GRANT နှင့် IGGY ဖြစ်ပေါ် လျှက်ရှိကာ အနောက်ဘက်သို့ ဆက်လက် ရွေ့လျားနိုင်သည်။
– အိန္ဒိယသမုဒ္ဒရာ မြောက်ပိုင်း ပင်လယ်များတွင် အနောက်၊ အနောက်မြောက် လေစီးကြောင်း အားကောင်းလာပြီး အိန္ဒိယမြောက်ပိုင်းမှ လေအေးများ သယ်ဆောင်လာသောကြောင့် အအေးဓာတ် ပိုလာနိုင်သည်မှအပ သဘာဝဘေး ဖြစ်စေနိုင်သည့် သက်ရောက်မှုမျိုး မရှိပါ။

#MeKongNews
#မိုးလေဝသခန့်မှန်းချက်
#ရှမ်းပြည်
#ဦးဝင်းနိုင်

(လွတ်လပ်သည့် မီဒီယာအဖြစ် ရေရှည်ရပ်တည်နိုင်ရေး သင်တို့အကူအညီလိုအပ်နေပါသည်။ ဤနေရာတွင် www.mekongnewsmm.com/donation နှိပ်၍ လှူဒါန်းနိုင်ပါသည်)