မဲခေါင်၊ ဒီဇင်ဘာ ၂၁
– ထရတ်အခြေစိုက် ထိုင်းရေတပ် အထူးတပ်ဖွဲ့က ထမော်ဒါနယ်မြေ အတွင်းရှိ ပစ်မှတ်များကို စီးနင်းသိမ်းပိုက်ရန် ကြည်းရေနှစ်သွယ် စစ်ဆင်ရေးတစ်ခုကို ဆင်နွှဲခဲ့ပြီး ကမ္ဘောဒီးယား နယ်စပ်အရာရှိဟောင်း ဒုတိယဗိုလ်ချုပ်ကြီး တမ်ယော်၏ နေအိမ်နှင့် ကာစီနိုရုံတစ်ခုကို ဗုံး ၁၀ လုံးဖြင့် ပြားပြားဝပ်သွားစေခဲ့သည့် F-16 တိုက်လေယာဉ်၏ လေကြောင်းတိုက်ခိုက်မှု အပြီးတွင် ပေါ်ပေါက်လာခြင်း ဖြစ်သည်။
ယင်းအဆောက်အအုံများသည် ထိုင်းနယ်နိမိတ်အတွင်း တရားမဝင်ကျူးကျော် ဆောက်လုပ်ထားခြင်းကြောင့် ပစ်မှတ်ထား တိုက်ခိုက်ခဲ့ခြင်းဖြစ်ကြောင်း ထိုင်းတာဝန်ရှိသူများက ပြောကြားသည်။
– ထိုင်းစစ်သားများကို သတ်ကွင်းအတွင်း မျှားခေါ်ရန် လူသတ် မြေမြှုပ်မိုင်းများကို ကမ္ဘောဒီးယားတပ်ဖွဲ့များက အသုံးပြုခဲ့သည်ဟု ထိုင်းရေတပ်က စွပ်စွဲခဲ့ပြီး ယင်းလုပ်ရပ်သည် အပြည်ပြည်ဆိုင်ရာ လူသားချင်းစာနာ ထောက်ထားမှုဆိုင်ရာ ဥပဒေကို ပြင်းထန်စွာ ချိုးဖောက်ခြင်း ဖြစ်ကြောင်း ပြစ်တင် ရှုတ်ချလိုက်သည်။
ယင်းလုပ်ရပ်များသည် အပြည်ပြည်ဆိုင်ရာ လူသားချင်းစာနာ ထောက်ထားမှုဆိုင်ရာ ဥပဒေပါ တာဝန်ဝတ္တရားများနှင့် လူသတ် မြေမြှုပ်မိုင်းများ အသုံးမပြုရန် တားမြစ်ထားသည့် အော့တဝါ သဘောတူညီချက်တို့ကို ချိုးဖောက်ရာ ရောက်ကြောင်း ရေတပ် ပြောရေးဆိုခွင့်ရှိသူ ဒုတိယဗိုလ်ချုပ်ကြီး ပါရတ်ရတနာချိုင်ဖန်က ဆိုသည်။
– နှစ်သစ်ကူးပွဲတော် ကာလအတွင်း ဘေးကင်း လုံခြုံရေးအတွက် စိုးရိမ်ရသောကြောင့် ထိုင်းနိုင်ငံတစ်ဝန်းရှိ နယ် မြေများတွင် လုံခြုံရေး အစီအမံများကို တိုးမြှင့်ဆောင်ရွက်ရန် အလေးပေးပြောကြားခဲ့ပြီး မသင်္ကာဖွယ်ရာ လှုပ် ရှားမှုများနှင့် ပတ်သက်သည့် သတိပေးချက်ကို ပြည်တွင်းလုံခြုံရေး ဌာနချုပ် – ISOC ကထုတ်ပြန်သည်။
အများပြည်သူ အနေဖြင့် လုံခြုံရေးအသိဖြင့် နိုးနိုးကြားကြား ရှိကြရန်နှင့် သတင်း အချက်အလက်များကို လုံခြုံရေးဟော့လိုင်း 1374 သို့ ဆက်သွယ် အကြောင်းကြားပေးရန် တောင်းဆိုထားသည်။
– ယနေ့တွင် ထိုင်းစစ်တပ်က ကမ္ဘောဒီးယားနိုင်ငံ အတွင်းသို့ ပစ်မှတ်မရွေးဘဲ လက်နက်ကြီးဖြင့် မဆင်မခြင် ဆက် လက်ပစ်ခတ်ခဲ့ရာ၊ ဗန်တေးမိန်းချေးပြည်နယ်၊ ပွိုင်ပက်မြို့ရှိ အရပ်သားများနှင့် အရပ်ဘက်ဆိုင်ရာ အခြေခံ အဆောက်အအုံများကို ပစ်မှတ်ထားခဲ့ပြီး ညနေ ၅ နာရီအထိ ကမ္ဘောဒီးယားနိုင်ငံ အတွင်းသို့ လက်နက်ကြီးကျည် စုစု ပေါင်း ၄၁ လုံး ကျရောက်ခဲ့သည်ဟု ကမ္ဘောဒီးယား ကာကွယ်ရေးဝန်ကြီးဌာနက ထုတ်ပြန်သည်။
– ထိုင်း – ကမ္ဘောဒီးယား နယ်စပ်တိုက်ပွဲများကြောင့် ထိုင်အရပ်သားများ ထိခိုက်သေဆုံးမှု စာရင်းအရ တိုက်ပွဲကြောင့် တိုက်ရိုက်သေဆုံးသူ တစ်ဦးရှိပြီး တိုက်ပွဲနှင့် ဆက်နွှယ်သော အကြောင်းရင်းများကြောင့် သေဆုံးသူ ၃၃ ဦးရှိ ကြောင်း ထိုင်းကျန်းမာရေးဝန်ကြီးဌာန နောက်ဆုံး ထုတ်ပြန်ချက်အရ သိရသည်။
– ငြိမ်းချမ်းရေး ဆွေးနွေးပွဲများတွင် ထိုင်းမပါဝင်မီ ရန်လို တိုက်ခိုက်မှုများကို ကမ္ဘောဒီးယားက အရင် အဆုံးသတ်ရမည် ဖြစ်ကြောင်း ကမ္ဘောဒီးယားနှင့် တိုက်ပွဲတွင် ကျဆုံးသွားသော ထိုင်းစစ်သည်နှစ်ဦးအား နှုတ်ဆက်ပွဲ အခမ်းအနားသို့ တက်ရောက်ပြီးနောက် ထိုင်းဝန်ကြီးချုပ် အနုတင်ချန်ဗီရာကူးလ်က ပြောကြားသည်။
#MeKongNews
#ထိုင်း
#ကမ္ဘောဒီးယား
#စစ်ပွဲ
#နောက်ဆုံးရ
