မဲခေါင်၊ ဒီဇင်ဘာ ၁၉
– ယခုနှစ်အတွင်း တိုက်ပွဲနှစ်ကြိမ်ဖြစ်ပွားခဲ့ပြီး ထိုင်းစစ်တပ်က စစ်အင်အား အလုံးအရင်းဖြင့် တိုက်ခိုက်ခဲ့သော် လည်း ယနေ့အထိ ကမ္ဘောဒီးယားပိုင်နက် တစ်လက်မမျှ သိမ်းပိုက်နိုင်ခြင်း မရှိသေးကြောင်း ကမ္ဘောဒီးယား လေ့လာစောင့်ကြည့်သူများက ပြောကြားလိုက်ကြောင်း ကမ္ဘောဒီးယားမီဒီယာများက ဖော်ပြသည်။
ယခုကဲ့သို့ သုံးသပ်ချက်မှာ ဇူလိုင်လကုန်ပိုင်းတွင် ၅ ရက်ကြာ ဖြစ်ပွားခဲ့သော တိုက်ပွဲများနှင့် ယခုလအတွင်း ထပ်မံ ဖြစ်ပွားလာသည့် လက်နက်ကိုင် ပဋိပက္ခများအပေါ် အခြေခံ၍ ထွက်ပေါ်လာခြင်း ဖြစ်သည်။ ထိုင်းနိုင်ငံဘက်မှ အဆက်မပြတ် ဖိအားပေး တိုက်ခိုက်နေသော်လည်း ၎င်းတို့ သတ်မှတ်ထားသည့် နယ်မြေသိမ်းပိုက်ရေး ရည်မှန်းချက်များကို အကောင်အထည် မဖော်နိုင်သေးကြောင်း လေ့လာသူများက ထောက်ပြကြသည်။
– ထိုင်းအရှေ့မြောက်ဘက် စစ်မျက်နှာကို တာဝန်ယူထားသည့် ထိုင်းအမှတ် – ၂ စစ်ဒေသ၏ ထုတ်ပြန်ချက်အရ ယနေ့ ဒီဇင်ဘာ ၁၉ ရက် မွန်းတည့်ချိန်အထိ ထိုင်း – ကမ္ဘောဒီးယား နယ်စပ်ရှိ ကဏ္ဍအသီးသီးတွင် တိုက်ပွဲများ ဆက်လက် ဖြစ်ပွားနေကြောင်း သိရသည်။
ဒွန်ထရူရယ်၊၊ ဆမ်တဲ၊ ဆတ်တာဆွမ်၊ ဖနွမ်ပရာဆစ်၊ ထို နှင့် ချောင်တထော နယ်မြေများတွင် ကမ္ဘောဒီးယားတပ်ဖွဲ့ များက မော်တာနှင့် အမြောက်များဖြင့် အဆက်မပြတ် ပစ်ခတ်ခဲ့သည်။ ထိုင်းတပ်ဖွဲ့များကလည်း လက်နက်ငယ်များဖြင့် ပြန်လည်ခုခံခြင်း၊ အမြောက်တပ်ဖွဲ့များက ပြန်လည် ပစ်ခတ်ခြင်းတို့ဖြင့် တုံ့ပြန်ခဲ့သည့် အပြင် ကမ္ဘောဒီးယား၏ BM – 21 ဒုံးပစ်လောင်ချာများ ထားရှိရာ သို့မဟုတ် ခိုလှုံရာနေရာဟု ယူဆရသည့် ပီယာဆဘက်တောင်ကြောရှိ နေရာတစ်ခုကို လေကြောင်းမှ ဗုံးကြဲတိုက်ခိုက်ခဲ့သည်။
– ထိုင်းစစ်တပ်၊ အင်ဂျင်နီယာတပ်ရင်း၊ အမှတ် – ၂၀၂ အင်ဂျင်နီယာတပ်ခွဲမှ တိုက်ပွဲဝင်အင်ဂျင်နီယာများက ဥဘွန်ရတ်ချာဌာနီခရိုင်၊ နမ်းယွမ်းမြို့နယ်ရှိ ချောင်အန်မာနယ်မြေကို အောင်မြင်စွာ ပြန်လည် သိမ်းပိုက်နိုင်ခဲ့ပြီးနောက် ၎င်းဒေသရှိ တာအုမ်အောက်မေ့ဖွယ် အထိမ်းအမှတ်တိုင်ကို ဖျက်သိမ်းကာ ကမ္ဘောဒီးယား၏ အန်မာဈေးကို ဖယ်ရှား ရှင်းလင်းခဲ့ကြသည်။
– ကမ္ဘောဒီးယားနိုင်ငံအပေါ် ထိုင်းနိုင်ငံ၏ လေကြောင်း တိုက်ခိုက်မှုများ ရပ်တန့်ခြင်းမရှိဘဲ ဆက်လက် ဖြစ်ပွားနေ ပြီး၊ ယနေ့ မွန်းလွဲပိုင်းတွင် ပရီယာဝီဟီယာပြည်နယ် အတွင်းသို့ ဗုံးကြဲတိုက်ခိုက်မှုများ ထပ်မံ ပြုလုပ်ခဲ့ကြောင်း သတင်းများအရ သိရသည်။
– နိုင်ငံလုံခြုံရေးအရ ပင်လယ်ပြင်ရှိ ရေနံနှင့် သဘာဝဓာတ်ငွေ့တူးစင်များ၏ မီတာ ၅၀၀ ပတ်လည်အတွင်း သင်္ဘောများ ခုတ်မောင်းခြင်း သို့မဟုတ် ဒရုန်းပျံသန်းခြင်းများ မပြုလုပ်ရန် ခရီးသွားများ၊ တံငါသည်များနှင့် ရေ ကြောင်းလုပ်ငန်း လုပ်ကိုင်သူများကို ထိုင်းအာဏာပိုင်များက သတိပေးချက် ထုတ်ပြန်ခဲ့သည်။
– ကမ္ဘောဒီးယားတွင် ယခင်က ဖြစ်ပွားခဲ့သော ပြည်တွင်းစစ်များ နောက်ပိုင်း နေရပ်စွန့်ခွာ ရွှေ့ပြောင်းရမှု အများဆုံး ဖြစ်လာပြီး လက်ရှိတွင် ကမ္ဘောဒီးယား ပြည်သူ ၅ သိန်းနီးပါး စစ်ဘေးရှောင်နေကြရသည်။
#MeKongNews
#ထိုင်း
#ကမ္ဘောဒီးယား
#စစ်ပွဲ
#နောက်ဆုံးရ
