မဲခေါင်၊ နိုဝင်ဘာ ၁၆
ဩစတြေးလျရှိ ကျောင်းများတွင် ကလေးများဆော့ကစားရာ၌ အသုံးပြုသော သဲအတုများအတွင်း အန္တရာယ်ကြီးသည့် အက်စ်ဗက်စတော့ ခေါ် ကျောက်ဂွမ်းမှုန့်များ ပါနေသည်ကို သိရသဖြင့် ကျောင်းနှင့် နေ့ကလေးထိန်းကျောင်းများ အားချင်းပိတ်ကာ စုံစမ်းစစ်ဆေးမှု လုပ်ဆောင်နေရသည်။
ဩစတြေးလျနှင့် နယူးဇီလန်တို့တွင် ကလေးများကစားသည့် သဲတုများကို ကျောင်းများတွင် မရှိမဖြစ် များစွာထားရှိကြရာ အဓိကတင်သွင်းသူမှာ တရုတ်ဖြစ်ပြီး ယခုဓာတ်ခွဲခန်းပို့ စစ်ဆေးရာ ကျောက်ဂွမ်းမှုန့်များထည့်သွင်းထုတ်လုပ်ထားသည်ကို တွေ့ရသဖြင့် အရေးပေါ်အခြေအနေအဖြစ် ကျောင်းများပိတ်ပြီး အားလုံးကို ရှင်းလင်းမှု လုပ်ဆောင်နေရခြင်း ဖြစ်သည်။
သလင်းဆန်ကာ အပူဒဏ်ခံနိုင်သည့် ကျောက်ဂွမ်းမှုန့်များ ရှုမိခြင်းကြောင့် ဆက်စပ်ရောဂါများရရှိပြီး နှစ်စဉ် သေဆုံးသူပေါင်း ၄၅၀၀ ရှိသည်ဟု ကျောက်ဂွမ်းနှင့် ဖုန်ဖှုန့်ဆိုင်ရာ ရောဂါသုတေသန အင်စတီကျုက ထုတ်ပြန်ထားပြီး Kadink Sand၊ Educational Colours: Rainbow Sand၊ KD Plain SandKadink six-piece decorative sand၊ KD Magic Sand နှင့် Creatistics: Coloured Sand သဲမှုန်ကစားစရာများထဲ ကျောက်ဂွမ်းများ ပါဝင်နေသဖြင့် မထိမကိုင် အသုံးမပြုကြရန် ဩစတြေးလျစားသုံးသူများပြိုင်ဆိုင်မှုကော်မရှင် (ACCC) က သတိပေးထုတ်ပြန်ခဲ့သည်။
ဩစတြေးလျတွင် ၂၀၀၃ ခုနှစ်ကတည်းက ကျောက်ဂွမ်းကို ပိတ်ပင်ခဲ့ခြင်းဖြစ်ပြီး ယခု နိုင်ငံအတွင်း ကလေးစာသင်ကျောင်းများနှင့် နေ့ကလေးထိန်းကျောင်းများ၌ အသုံးပြုနေသော အထက်ဖော်ပြပါ တရုတ်မှတင်သွင်းသည့် သဲမှုန့်အမျိုးအစားများသည် ၂၀၂၀ ပြည့်နှစ်ကတည်းက နိုင်ငံအတွင်းသို့ တင်သွင်းရောင်းချနေခဲ့သည်မှာ ၅ နှစ်ကြာချိန်မှ ယခုလို သိရှိနိုင်ခဲ့ခြင်း ဖြစ်သည်။
ကိုကလင်း
Ref: Thesun
#MeKongNews
#တရုတ်
#ကလေးကစားစရာ
#ဩစတြေးလျ
#နယူးဇီလန်
