မဲခေါင်၊ အောက်တိုဘာ ၂၁
အောက်တိုဘာ ၂၀ ရက်က ဩစတြေးလျဝန်ကြီးချုပ် အယ်လ်ဘန်နီဆီ အိမ်ဖြူတော်သို့ ရောက်ရှိစဉ် အမေရိကန်သမ္မတဒေါ်နယ်ထရမ့်နှင့် တွေ့ဆုံဆွေးနွေးရာတွင် ဩစတြေးလျ၌ မြေရှားနှင့် အရေးပါသော အခြားဓာတ်သတ္တုများ ပူးပေါင်းထုတ်လုပ်နိုင်ရေး အကြိုသဘောတူညီချက် လက်မှတ်ရေးထိုးခဲ့ကြ သည်။
အောက်တိုဘာလဆန်းပိုင်းက တရုတ်သည် မြေရှားသတ္တုပမာဏ ၀ ဒသမ ၁ ရာခိုင်နှုန်းနှင့်အထက်ပါသည့် တရုတ်ထွက် ဓာတ်သတ္တုများကို ပြည်ပသို့တင်ပို့ရာတွင် လိုင်စင်ရယူရမည်ဖြစ်ကာ တစ်ကမ္ဘာလုံးသို့ မြေရှားတင်ပို့မှုကို ကန့်သတ်ပိတ်ပင်လိုက်သည်။
ထို့ကြောင့် ဒေါ်နယ်ထရမ့်က တရုတ်အား သွင်းကုန် ခွန် ၃၀ ရာခိုင်နှုန်းစည်းကြပ်ထားပြီးသည့်ကြားမှ နောက်ထပ် အခွန် ၁၀၀ ရာခိုင်နှုန်း ထပ်တိုးမြှင့်မည် ဟု တန်ပြန်ခြိမ်းခြောက်ကာ ယခု ဩစတြေးလျနှင့် နှစ်နိုင်ငံ အကျိုးတူ မြေရှားနှင့် အခြားအရေးပါ သော ဓာတ်သတ္တုများ တူးဖော်မည့် ကြိုတင်သဘောတူညီချက်ကို လက်မှတ်ရေးထိုးလိုက်ခြင်းဖြစ် သည်။
၂၀၂၄ ခုနှစ် Oxford Economics မှထုတ်ပြန်ချက်တွင် တရုတ်သည် မြေရှားသတ္တု၏ ကမ္ဘာစျေးကွက် ၇၀ ရာခိုင်နှုန်းနီးပါးကို ချုပ်ကိုင်ထားရာ ၎င်းတို့၏ တင်ပို့မှု ကန့်သတ်ပိတ်ပင်မှုကြောင့် အမေရိကန် အပါ အနောက်နိုင်ငံများ၏ မြေရှားနှင့်ပတ်သက်သည့် ထုတ်ကုန်များ၊ နည်းပညာအသုံးအဆောင်များ၊ ခေတ်မီလက်နက်များ၊ ကွန်ပျူတာများ၊ နျူကလီးယားလက်နက်အပါ အခြားသော ခေတ်မီလက်နက် များ၊ လျှပ်စစ်ကားများ ထုတ်လုပ်မှုအတွက် အခက်အခဲများစွာ ရင်ဆိုင်ကြရတော့မည်ဖြစ်သည်။
ယခုလကုန်ပိုင်းတွင် တောင်ကိုရီးယား၌ ထိပ်သီးအစည်းအဝေးရှိရာတွင် တရုတ်သမ္မတ ရှီကျင်းဖျင် နှင့် ဒေါ်နယ်ထရမ့်တို့ ထိပ်တိုက်တွေ့ဆုံဖွယ်ရှိနေကာ ထိုမတိုင်မီရက်ပိုင်းမှာပင် ဩစတြေးလျနှင့် အမေရိကန်တို့ တစ်ဦးအနည်းဆုံး ဒေါ်လာ ၁ ဘီလီယံစီ ထည့်ဝင်မည့် မြေရှားနှင့် အရေးကြီးသော ဓာတ်သတ္တုများ ပူးပေါင်း တူးဖော်ရေး အကြိုသဘောတူစာချုပ်ကို လက်မှတ်ရေးထိုးလိုက်ခြင်ဖြစ်ကာ နောက် ၄၊ ၅ လ အတွင်း အပြီးသတ် စာချုပ်ချုပ်ဆိုမည်ဟု ဩစတြေးလျဝန်ကြီးချုပ် အယ်လ်ဘန်နက်ဆီက ထုတ်ဖော်ပြောဆို သွားခဲ့သည်။
ကိုကလင်း
Ref: thehill
#MeKongNews
#မြေရှားသတ္တု
#ဩစတြေးလျ
#ဒေါ်နယ်ထရမ့်
#တရုတ်
