မဲခေါင်၊ အောက်တိုဘာ ၁၄
မြန်မာနိုင်ငံ တာချီလိတ်မြို့တစ်ဖက်ကမ်း ထိုင်းနိုင်ငံ မယ်ဆိုင်ဘက်ခြမ်းတွင် မကြာခဏ နေကြီးရေလျှံခြင်းနှင့် ရွှံ့နွံများ ထူထပ်စွာ ဖုံးလွှမ်းခြင်းကြောင့် မြစ်ရေတား တံတိုင်းတည်ဆောက်မည် ဖြစ်ရာ မယ်ဆိုင်ချောင်းကမ်းနား နေရာ ၃ နေရာမှ နေထိုင်သူများ ရွှေ့ပြောင်းပေးရတော့မည်ဖြစ် ကြောင်း သိရသည်။
၂၀၂၂ ခုနှစ်က မြစ်ရေကြီးခြင်းနှင့်အတူ ကမ်းနားနေသူများနေအိမ်အတွင်းသို့ ရွှံ့နွံများ ထူထပ်စွာဝင် ရောက်ခြင်းကြောင့် လမ်းများ၊ အိမ်များထဲမှ ရွှံ့နွံ့များကို လပေါင်းများစွာ ဖယ်ရှားခဲ့ရသည်။
၂၀၂၄ ခုနှစ်တွင်လည်း ထိုသို့တစ်ဖန် ထပ်မံကာ ရေကြီးပြီး ရွံ့နွံများ ထူထပ်စွာ တင်ကျန်သဖြင့် ပြည်သူများ စွာ ဒုက္ခကြုံခဲ့ရသဖြင့် ဖွေထိုင်းပါတီအစိုးရလက်ထက်က ထိုင်းဘက်ခြမ်းမယ်ဆိုင်ချောင်းကမ်းနဘေး တွင် ရေတား တံတိုင်းတည်ဆောက်ရန် ဘတ်ဂျက်၂၄ သန်း ထုတ်ပေးရန် အတည်ပြုခဲ့သည်။
လက်ရှိတွင် သဲအိတ်များဖြင့် ယာယီတံတိုင်းတည်ဆောက်ထားပြီး မယ်ဆိုင်ချောင်းကမ်းနဖူး ၃ ဒသမ ၆ ကီလိုမီတာ၊ ချောင်းလက်တက် Ruak တစ်လျှောက် ၄၂ ကီလိုမီတာ ရေတားတံတိုင်း တည်ဆောက် သွားမည်ဖြစ်သောကြောင့် ကမ်းနဖူး Hau Fai၊ Koh Sai နှင့် Sai Lom Joy ရပ်ကွက် ၃ ခုမှ အိမ်ပေါင်း ၈၄၃ လုံး ဖယ်ရှားပေးရမည်ဖြစ်ကာ ပြန်လည်နေရာအစားပေးခြင်းနှင့် နစ်နာကြေးများပေးသွားရန် ချင်းရိုင်ဒုမြို့တော်ဝန် ပရာဆောင်လာအွန်နှင့် တာဝန်ရှိသူများသည် အမျိုးသား လူ့အခွင့်အရေးကော်မရှင်နှင့် ဒေသခံများပါ ခေါ်ယူပြီး အစည်းအဝေး လုပ်ဆောင်ခဲ့သည်။
တံတိုင်းကာခြင်းအတွက် ဘတ် ၁ ဒသမ ၆ ဘီလီယံ၊ ရွှေ့ပြောင်းနေရာချထားပေးသူများအတွက် နစ်နာကြေး ဘတ် ၁ ဒသမ ၈ ဘီလီယံ ပေးသွားမည်ဖြစ်ကာ နောက် ၅ နှစ်အတွင်း စီမံကိန်းအပြီးတည်ဆောက်မည်ဟု ထုတ်ပြန်သွားခဲ့သည်။
မြစ်ကမ်းနဘေးစီမံကိန်းနယ်မြေတွင် ၁၂ ဟက်တာမြေပေါ် ထူထောင်ထားသည့် Thailand Tobacco Monopoly စက်ရုံကိုလည်း နေရာရွှေ့ပြောင်းပေးရေ ဘဏ္ဍာရေးဝန်ကြီးဌာန ခွင့်ပြုချက်ဖြင့် လုပ်ဆောင်သွားမည်ဟု ချင်းရိုင် ဒုမြို့တော်ဝန် ရာဆောင်လာအွန်က ရှင်းလင်းပြောကြားခဲ့သည်။
ကိုကလင်း
Ref: thaipbs
#MeKongNews
#တာချီလိတ်
#မယ်ဆိုင်
#ရေတားတံတိုင်း
#ရေကြီးရေလျှံ
