မဲခေါင်၊ စက်တင်ဘာ ၂၄
ဖိလစ်ပိုင်သို့ ဝင်ရောက်တိုက်ခတ်ရာတွင် အနည်းဆုံး ၃ ဦးသေဆုံးခဲ့သည့် ၂၀၂၅ ခုနှစ်၏ အပြင်းထန် ဆုံးစူပါတိုင်ဖွန်းမုန်တိုင်းရာဂါဆာခေါ် မုန်တိုင်းတို့၏ ဘုရင်သည် စက်တင်ဘာ ၂၃ ရက်က ထိုင်ဝမ်နှင့် ဟောင်ကောင်နှင့်တရုတ်နိုင်ငံတို့သို့ ဝင်ရောက်လာပြီးနောက် ထိုင်ဝမ်တစ်ခုတည်းမှာပင် အနည်းဆုံး ၁၄ ယောက်သေဆုံးခဲ့ရပြီးဖြစ်သည်ဟု သိရှိရသည်။
တောင်အာရှသို့ ဝင်ရောက်လာချိန်တွင် ရာဂါဆာ၏ ပြင်းအားသည် ပိုအားကောင်းလာပြီး စက်တင်ဘာ ၂၄ မနက်တွင် အန္တရာယ်သတိပေးချက် အမြင့်ဆုံးဖြစ်သည့် T10 အဆင့်ဖြင့်မိုးလေဝသ ပညာရှင်များ က ထုတ်ပြန်သတိပေးခဲ့ရသည်။
တစ်နာရီ ၁၃၇ မိုင်နှုန်းဖြင့် တိုက်ခတ်သည် မုန်တိုင်းသည် ဟောင်ကောင်တွင် လမ်းထွက်လျှောက်နေသည့် ကလေးတစ်ဦးအပါ ၂ ဦးကို ပင်လယ်ထဲ ဆွဲချသွားခဲ့ ကြောင်း၊ ၂၀၁၇ ကတိုက်ခဲ့သည့် ဟာတိုနှင့် ၂၀၁၈ တွင် တိုက်ခတ်ခဲ့သည့် မန်ခက်မုန်တိုင်းများ၏ ပြင်းအားမျိုးအထိ အားကောင်းလာသည်ဟု သိရသည်။
တရုတ်နှင့်ဟောင်ကောင်တွင် မုန်တိုင်းကြောင့် လူဦးရေ ၂ သန်းအထိ ဘေးလွတ်ရာရွှေ့ပြောင်းနေထိုင်နေရကြောင်းလည်း သိရသည်။
ထိုင်ဝမ်သို့ မုန်တိုင်းဝင်ရောက်မှုသည် အခြေအနေအဆိုးရွားဆုံးဖြစ်ကာ အနည်းဆုံး ၁၄ ဦးသေဆုံးပြီး ၁၀၀ ကျော်ပျောက်ဆုံးနေကြောင်း လတ်တလောသတင်းများအရ သိရသည်။
ထိုင်ဝမ်အရှေ့ပိုင်း မြို့ဖြစ်သည့် ဟွာလီယန်သည် မုန်တိုင်းဒဏ် အပြင်းထန်ဆုံးခံရကာ ၁၂၉ ယောက်အထိ ပျောက်ဆုံးနေ ကြောင်းနှင့် ဂွမ်ဖူမြို့သည်လည်း တောင်ပေါ်တွင်ရှိသော ရေကန်ကြီး ကမ်းပြိုကာ မြို့ပေါ်သို့ ရေအလုံး အရင်းဖြင့် ထိုးဆင်းသဖြင့် တံတားများ၊ အဆောက်အအုံများစွာ ကျိုးပျက်ကာ ဒေသတစ်ခုလုံး ရေနစ်မြုပ်သွားခဲ့ပြီဖြစ်သည်။
ဒေသစံတော်ချိန် စက်တင်ဘာ ၂၄ ရက် နံနက် ၉ နာရီတွင် ဟောင်ကောင်သို့ မုန်တိုင်းသည် တစ်နာရီ လေတိုက်နှုန်း ၁၃၇ မိုင်ဖြင့် ဝင်ရောက်လာသဖြင့် ၃၃ ယောက် ဒဏ်ရာရထားသည်ဟု တောင်တရုတ်နံနက်ခင်းသတင်းက ဖော်ပြလာသည်။ မုန်းတိုင်သည် ဆက်လက်ပြီး တရုတ်တောင်ပိုင်း ကုန်တွင်းပိုင်းသို့ ဝင်ရောက်နေပြီဖြစ်သည်။
ကွမ်တုံပြည်နယ်တွင်း လော်စပီကာများဖြင့် နေအိမ်အတွင်းမှ မထွက်ကြရန် တာဝန်ရှိသူများက စက်တင်ဘာ ၂၄ ရက် မနက်ကတည်းက သတိပေး ကြေညာနေကာ ကမ်းခြေနှင့်နီးစပ်ရာဒေသမှ သန်းချီ နေရာရွှေ့ပြောင်းရကြောင်း သိရသည်။
ကိုကလင်း
Ref: Thesun
#MeKongNews
#ရာဂါဆာမုန်တိုင်း
#ထိုင်ဝမ်
#ကွမ်တုံပြည်နယ်
#ဖိလစ်ပိုင်
#စူပါတိုင်ဖွန်း
