မဲခေါင်၊ ဩဂုတ် ၃
ထိုင်းဝမ်နိုင်ငံ မြို့တော် တိုင်ပေရှိ နိုက်ကလပ်တစ်ခုတွင် PR အရာရှိအဖြစ် အလုပ်လုပ်နေသော ထိုင်ဝမ် နိုင်ငံ၏ အွန်လိုင်းဆယ်လီ အီရီနီဂူ ဆိုသူကို ချစ်သူဟောင်းက အကြွေး ပေါင် ၁၀၅၃၀ ပြန်မဆပ်မှုဖြင့် လည်လှီးသတ်ဖြတ်ခဲ့သည်။
၂၃ နှစ်အရွယ်သာရှိသေးသော အီရီနီဂူသည် အွန်လိုင်းနာမည်ကျော် တစ်ဦးလည်းဖြစ်ကာ Instagram နှင့် Threads လူမှုကွန်ရက် ပရိသတ် ၃၀၀၀၀ ကျော် ရှိထားသူဖြစ်သည်။
သူမသည် ယခင် ဘဏ်တစ်ခု၏ PR အဖြစ် အလုပ်လုပ်ခဲ့ကာ နိုက်ကလပ်တွင် PR ပြောင်းလုပ်ရာမှ ထိုနိုက်ကလပ်မှ လုံခြုံရေးတစ်ဦး ဖြစ်သော မစ္စတာ လျူဆိုသည့် လူငယ်နှင့် ချစ်သူဖြစ်ခဲ့ကြသည်။
ချစ်သူထံမှ ငွေများအား စီမံခဲ့သည်ကို မသိရသော်လည်း နှစ်ဖက်လမ်းခွဲပြီးချိန် ထိုငွေများ ပြန်မဆပ်ခြင်းကြောင့် သတ်ဖြတ်ခဲ့ရသည်ဟု ချစ်သူဟောင်း မစ္စတာ လျူက ရဲစခန်းတွင် ထွက်ဆိုခဲ့သည်။
အခင်းဖြစ်ပွားပုံမှာ ပြီးခဲ့သည့် ရက်ပိုင်းအတွင်း အီရီနီဂူသည် ၎င်း၏ လူမှုကွန်ရက်များတွင် ချစ်သူဟောင်းက အလုပ်တွင်ပါ လိုက်လံနှောင့်ယှက်ကာ လိုက်ကပ်ရန်ရှာနေခဲ့ကြောင်း၊ အိမ်တွင်းအကြမ်းဖက်မှုဒဏ်လည်း ခံခဲ့ရသဖြင့် နောက်တစ်ကြိမ် ထပ်လုပ်လျှင် ရဲစခန်းပို့မည်ဟု ရေးတင်ခဲ့သေးသည်။
ထို့နောက် ရုပ်ရှင်ရုံတစ်ခုမှ အထွက် ကားပါကင်းနာတွင် မစ္စတာ လျူက သူမကားအား ပိတ်ကာ လှေကားနားဆွဲခေါ်ပြီး လည်လှီးသတ်ဖြတ်ခဲ့ခြင်းဖြစ်သည်ဟု ကနဦး စုံစမ်းမှုများအရ ရဲတပ်ဖွဲ့မှ ထုတ်ပြန်ခဲ့သည်။ အီနီနီဂူကမူ မိမိတွင် မစ္စတာလျူဆီမှ ယူထားသော အကြွေး လုံး၀မရှိဟု မသေဆုံး မီကတည်းက ဖွင့်ဟ ထားဖူးသည်။
ကိုကလင်း
Ref: Thesun
#MeKongNews
#ထိုင်ဝမ်
#ချစ်သူဟောင်း
#အကြွေး
#သတ်ဖြတ်
