မဲခေါင်၊ ဇူလိုင် ၁၆
လူမှုကွန်ရက်နှင့် အွန်လိုင်းများပေါ်တွင် လူပြောအများဆုံးဖြစ်နေသည့် တရုတ်နိုင်ငံ နန်ကျင်းမြို့မှ ၃၈ နှစ်အရွယ် မမဟုန်အမည်ရ အမျိုးသားကို တရုတ်ရဲတပ်ဖွဲ့က ဇူလိုင် ၅ ရက်နေ့ကတည်းက လိင်မှုဆိုင်ရာ မှတ်တမ်းများ ဖြန့်ဖြူးခြင်းကြောင့် ဖမ်းဆီးထိန်းသိမ်းခဲ့ရာ ဇာတ်လမ်းမပြီးပြတ်သေးဘဲ ပတ်သက်ခဲ့သူများကိုပါ နန်ကျင်းရောဂါထိန်းချုပ်ရေးနှင့် ကာကွယ်ရေးစင်တာမှ AIDS ကဲ့သို့သော လိင်မှကူးစက်သည့်ရောဂါများ ကူးစက်ခြင်းရှိ၊ မရှိ စစ်ဆစ်မှုခံရန် ဆင့်ခေါ်ခဲ့ကြောင်း သိရသည်။
South China Morning Post မှဖော်ပြမှုအရ ဦးလေးနီဟု လူမှုကွန်ရက်အမည်ပေးထားသလို ထိုင်းတွင် ၎င်းအသုံးပြုသည့် လူမှုကွန်ရက်အကောင့်တစ်ခုအမည် မမဟုန်ဟု လူသိများခဲ့သော ယင်းတရုတ်အမျိုးသားသည် ဆံပင်တုများ၊ မိတ်ကပ်များလိမ်းခြယ်ပြင်ဆင်ကာ မိန်းကလေးသံဖြင့် အွန်လိုင်းမှ အမျိုးသားပေါင်း ၁၆၀၀ ကျော်ကို နေအိမ်ခန်းသို့ သွေ့ဆောင်ခေါ်ယူပြီး လိင်မှုဆိုင်ရာ ဝန်ဆောင်မှုများပေးခဲ့သည်ဟု ဆိုသည်။
ထို့အတွက် မမဟုန်သည် ငွေကြေးမယူဘဲ အကြွေစေ့များ၊ နို့ဗူး၊ သစ်သီး၊ ဟင်းချက်ဆီ စသည့်အသေးသုံးများလောက်သာ ယူလေ့ရှိသော်လည်း ထိုပတ်သက်မှု များကို အခန်းတွင်း ကင်မရာများခိုးတပ်ရိုက်ကူးကာ အွန်လိုင်းရှိ private groups များတွင် subscription fee တစ်ယောက် ယွမ် ၁၅၀ (၆၈၀ ဘတ်) ရယူကာ ဖြန့်ဖြူးခဲ့ခြင်းဖြစ်သည်။
ပတ်သက်ခဲ့သည့် အမျိုးသားများ အရှက်တကွဲအကျိုးနည်းဖြစ်ကာ တိုင်ကြားမှုများလုပ်ဆောင်ရာမှ ယင်းအမှု ဟိုးလေးတကျော်ဖြစ်ခဲ့ပြီးနောက် မမဟုန်ကို အမြင့်ဆုံးထောင်ဒဏ် ၂ နှစ်ကျခံရနိုင်သည့် လိင်မှုဆိုင်ရာ ရုပ်သံများဖြန့်ဖြူးမှု နှင့် စွဲချက်တင်ခံထားရသလို ပါဝင်ပတ်သက်သူတစ်ဦးချင်းစီတိုင်းနှင့် ပတ်သက်သော ကိုယ်ရေးကိုယ်တာ ချိုးဖောက်မှု၊ ရုပ်ပုံမူပိုင်ခွင့်စွဲချက်များဖြင့် ထပ်မံ ရင်ဆိုင်ရဖွယ်ရှိသည်။
ဟိုးလေးတကျော်ဖြစ်လာခဲ့ပြီးနောက် နန်ကျင်း ရောဂါထိန်းချုပ်ရေးနှင့်ကာကွယ်ရေးစင်တာမှ ပတ်သက်ခဲ့သည့် အမျိုးသားများ ဆေးစစ်မှုလာရောက်ခံယူရန် ဆင့်ခေါ်ခဲ့ကာ မည်သူများ လာရောက် ဆေးစစ်ခံသည်ကို လျှို့ဝှက်ပေးထားမည်ဟု အသိပေးခဲ့ကြောင်း သိရသည်။
ကိုကလင်း
Ref: Bangkokpost
#MeKongNews
#တရုတ်နိုင်ငံသား
#လိင်ဗီဒီယို
#လိင်ဝန်ဆောင်မှု
#မမဟုန်
