မဲခေါင်၊ ဇူလိုင် ၁၁
ဇွန်လအတွင်းက အမေရိကန်သမ္မတ ဒေါ်နယ်ထရမ့်သည် အီရန်၏ နျူကလီးယားလက်နက်ထုတ်ရန် အဆင့်ရောက်လုနီး ယူရေနီယံသတ္တုများထားရှိရာ နျူကလီးယားအဆောက်အအုံ ၃ နေရာကို အပြင်းဆုံးဗုံးများ၊ ဒုံးကျည်များဖြင့် ပစ်ခတ်တိုက်ခိုက် ဖျက်ဆီးခဲ့သော်လည်း အီရန်တွင် ယင်း weapons-grade ယူရေနီယံများစွာ မြေအောက်စခန်းများတွင် သိုလှောင်ထားရှိနိုင်သေးကြောင်း အစ္စရေး အရာရှိ တစ်ဦးက ဝန်ခံပြောဆိုသွားသည်။
ဒေါ်နယ်ထရမ့်သည် သန်းခေါင်းယံတူ အမည်ပေးထားသော စစ်ဆင်ရေးအဖြစ် GBU-57 Massive Ordnance Penetrator ဘန်ကောဖောက် ဗုံး ၁၂ လုံးကို ကိုယ်ပျောက် B-2 Spirit ဗုံးကြဲလေယာဉ်များ သုံးပြီး Fordow ယူရေနီယံအဆင့်မြှင့်တင် စက်ရုံ၊ Natanz နှင့် Isfahan နျူကလီးယားအဆောက် အအုံးများပေါ်သို့ ကြဲချခဲ့ပြီးနောက် အီရန်ဘက်မှ ပျက်ဆီးဆုံးရှုံးမှုကြီးမားခဲ့သည်ဟု ဝန်ခံခဲ့သည်။
သို့သော် အမေရိကန်ထောက်လှမ်းရေးအေဂျင်စီတစ်ခုကပင် ပင်မ Fordow ယူရေနီယံအဆင့်မြှင့်တင် မြေအောက်အဆောက်အအုံကြီးမှ ယူရေနီယံများသည် ဗုံးကြဲမခံရမီရက်များအတွင်း ကုန်တင်ကား များဖြင့် သယ်ထုတ်နေသည့် ဂြိုဟ်တုဓာတ်ပုံများအရ နေရာပြောင်းသွားခဲ့သဖြင့် နျူကလီးယား ဗုံး ထုတ်နိုင်လုနီးသော ယူရေနီယံကြွယ်၀မှု များစွာ အီရန်တွင် ရှိနေဆဲဟု နယူးယောက်တိုင်းမ်သို့ ပြော သွားခဲ့သည်။
သို့သော် ဒေါ်နယ်ထရမ့်က အလွန်လေးလံသည့် ပစ္စည်းများအား ထိုသို့ ကုန်ကားများနှင့်ရက်ပိုင်းအတွင်း ရွှေ့နိုင်စရာမရှိသောကြောင့် အီရန် နျူကလီးယားထုတ် ယူရေနီယံများ အလုံးစုံ ပျက်စီးခဲ့သည်ဟုသာ ထုတ်ပြန်ခဲ့သည်။
ယခု နယူးယောက်တိုင်းမ်သို့ပင် အမည်မဖော်သော အစ္စရေးအစိုးရပိုင်း တာဝန်ရှိသူ တစ်ဦးက အီရန်၌ နျူကလီးယားကြွယ်၀မှုအဆင့် ၆၀ ရာခိုင်နှုန်း သန့်စင်ထားသော ယူရေနီယံများ များစွာရှိနေသေးကြောင်း၊ ၉၀ ရာခိုင်နှုန်း သန့်စင်ပြီးလျှင် weapons-grade အဆင့်ရောက်ပြီဖြစ်သော ကြောင့် နျူကလီးယားဗုံး ၉ လုံး ကျော် ထုတ်လုပ်နိုင်မည်ဖြစ်ကြောင်း၊ မိမိတို့ အစ္စရေးထောက်လှမ်း ရေးမှ အီရန်တို့ ထိုနျူကလီးယားလက်နက်အဆင့် ယူရေနီယံသန့်စင်မှု လုပ်နိုင်လုနီးပါး အခြေအနေ ရှိမရှိကို သိရှိမည်ဖြစ်သောကြောင့် နီးစပ်လာလျှင် ထပ်မံ ဗုံးကြဲတိုက်ခိုက် ဖျက်ဆီးသွားဦးမည်ဟု ပြောကြားသွားခဲ့သည်။
ကိုကလင်း
Ref: Thesun
#MeKongNews
#အီရန်
#နျူကလီးယား
#အစ္စရေး
#ဗုံးကြဲ
