မဲခေါင်၊ ဇွန် ၁၅
ကမ္ဘောဒီးယားအစိုးရက နှစ်နိုင်ငံ နယ်စပ်အငြင်းပွားပိုင်နက်အရေးကြောင့် နှစ်နိုင်ငံတင်းမာနေချိန် ပြည်တွင်းလုပ်သားလိုအပ်ချက်ကြောင့် ထိုင်းတွင် အလုပ်သွားလုပ်နေသည့် ကမ္ဘောဒီးယား နိုင်ငံသားများ ပြည်တော်ပြန်လာရန် တိုက်တွန်းချက်ထုတ်ပြန်သော်လည်း ထိုင်းဘက်မှ နှင်ထုတ်သွားရန် မရှိဟု ထိုင်းဝန်ကြီးချုပ် ပေထောင်တန်က ဇွန် ၁၅ ရက်တွင် တုံ့ပြန်ပြောဆိုခဲ့သည်။
ထိုင်းတွင် ကမ္ဘောဒီးယားရွှေ့ပြောင်းလုပ်သား ၅ သိန်းဝန်းကျင်ရှိနေပြီး ယခုလိုပြည်တော်ပြန်ရန် ကမ္ဘောဒီးယားအစိုးရက ကြေညာစဉ် တစ်နေ့အနည်းဆုံးဝင်ငွေ၌ ထိုင်းမှ အလုပ်အကိုင်များပေးနိုင်သည့် ဝင်ငွေ၏ တစ်ဝက်မျှကိုပင် ကမ္ဘောဒီးယားတွင် မပေးနိုင်ဟု ထိုင်းဝါဒဖြန့်သတင်းများက သုံးသပ်ဖော်ပြနေကြသည်။
ထိုအခြေအနေ၌ ပေထောင်တန်က ကမ္ဘောဒီးယားအစိုးရ ထိုင်းမှ အလုပ်သမားများကို ပြန်ခေါ်နေသည် မှာ ၎င်းတို့လုပ်ပိုင်ခွင့်ဖြစ်သောကြောင့် ဆုံးဖြတ်နိုင်ကြောင်း၊ သို့သော် ထိုင်းနိုင်ငံသည် ပြည်ပမှ အလုပ်လာရောက်လုပ်ကိုင်သူများကို လူ့အခွင့်အရေးနှင့်အညီ လက်ကမ်းကြိုဆိုကာ သက်သာချောင်ချ ရေးအတွက် ဦးစားပေးကြောင်း၊ ထိုင်းနိုင်ငံ မူဝါဒအရ ပြည်ပမှ တရားဝင်လာရောက် အလုပ်လုပ်ကိုင်သူများကို နှင်ထုတ်သည့် လုပ်ရပ်မျိုး မည်သည့်အခါမျှ လုပ်ဆောင်မည်မဟုတ်ကြောင်း၊ နိုင်ငံတကာ ဆက်ဆံရေးတွင် နိုင်ငံရေးကိစ္စနှင့် မပတ်သက်ဘဲ မိမိနိုင်ငံ၊ လာရောက်လုပ်ကိုင်သည့် ပြည်ပမှ အလုပ် သမားများအရေးသည် ပိုမို ဦးစားပေးထားသည့်အရာဖြစ်သည်ဟု ထုတ်ပြန် ရှင်းလင်းသွားခဲ့သည်။
ကိုကလင်း
Ref: Khaosod
#MeKongNews
#ထိုင်းနိုင်ငံ
#ရွှေ့ပြောင်းလုပ်သား
#ကမ္ဘောဒီယား
#ပြည်ပလုပ်သား
