မဲခေါင်၊ မေ ၅
ထိုင်းထောက်လှမ်းရေး၊ ရာဇဝတ်နှိမ်နင်းရေး၊ ဆိုက်ဘာမှုခင်းနှိမ်နင်းရေး အဖွဲ့အစည်းများအားလုံး ပူးပေါင်းပြီး နိုင်ငံအတွင်း တရားမဝင် လောာင်းကစားဝက်ဘ်ဆိုက် Tee Yai 888 ထူထောင်ထားသူ ခေါင်းဆောင်များကို မေ ၄ ရက်တွင် ဖမ်းဆီးနိုင်ခဲ့သည်။
ရတ်ချာဌာနီနှင့် ဆီဆခတ်ခရိုင်မှ ပြည်သူများစွာက လူငယ်၊ လူရွယ်များ ယင်းလောင်းကစား ဝက်ဘ်ဆိုက်တွင် လောဘဖြင့် ကစားကြရင်း ကြွေးတင်၊ အကျင့်စာရိတ္တပျက်စီး၊ နောက်ဆုံးအဆုံးစီရင်ခြင်းများနှင့် ဓားပြမှုများကျူးလွန်သည်အထိ ပျက်စီးနေရာ အရေးယူပေးပါ ရန်တိုင်ကြားမှုများရှိခဲ့သဖြင့် စုံစမ်စစ်ဆေးမှုများ ပြုလုပ်ပြီး ရတ်ချာဌာနီ၊ ဆီဆခတ်၊ ဘူရီရမ်၊ နာခွန်းနာရော့နှင့် ချွန်ဘူရီခရိုင်တို့တွင် ဝင်ရောက်စီးနင်းမှုများ ပြုလုပ်ခဲ့ခြင်းဖြစ်သည်။
စုံစမ်းစစ်ဆေးမှုများပြုလုပ်ရာ၌ ၂၀၂၂ ခုနှစ်က တစ်ကြိမ် ဖမ်းဆီးပိတ်သိမ်းမှုများ လုပ်ခဲ့သော်လည်း ယင်းလောင်းကစားဂိုဏ်းပင် နာမည်ပြောင်းပြီး Tee Yai 888 အမည်ဖြင့် ဆက်လက်ပြီး ဘောလုံး၊ လောင်းကစား၊ ဖဲ၊ ဆလော့ဂိမ်း စသဖြင့် အမျိုးစုံသော လောင်းကစားနည်းများကို ထူထောင်ပြီး ငွေကြေးခဝါချကာ တရားဝင်စီးပွားရေးနယ်ပယ်များအတွင်း ငွေမည်းများကို သွပ်သွင်းမှုများလည်း လုပ်နေကြောင်း သိရှိရသဖြင့် သံသယတရားခံ ၁၃ ဦးကို ဧပြီ ၂၅ ရက်နေ့ကတည်းက ဖမ်း၀ရမ်းထုတ်ပြီး မေ ၄ ရက်တွင် ဖမ်းဆီးခဲ့ပြီးဖြစ်ကြောင်း သတင်းစာရှင်းလင်း ထုတ်ပြန်ခဲ့သည်။
ယင်းထိုင်းနိုင်ငံသား လောင်းကစားဂိုဏ်သား ၁၃ ယောက်နှင့် ပတ်သက်သော ကား ၂၃ စီး၊ မြေယာပိုင်ဆိုင်မှု ပတ်သက် စာချုပ်စာတမ်း ၄၉ ခု၊ နာမည်ကြီး ကုန်ပစ္စည်း ၄၆ ခု၊ ရွှေထည် ၅ ခု၊ သေနတ် တစ်လက်၊ လျှပ်စစ်ဆက်စပ်ပစ္စည်း ၂၂ ခု၊ ဘဏ်စာအုပ် ၃၀၊ ATM/debit/credit ကတ် ၂၉ ခု၊ အခြား ဆက်စပ် သက်သေပစ္စည်း ၁၆၀၊ စုစုပေါင်း ကာလတန်ကြေး ဘတ် သန်း ၅၀ ဖိုး သိမ်းဆည်းရမိ ပြီး ဝက်ဘ်ဆိုက်တွင် လောင်းကစားလည်ပတ်ငွေသည် ဘတ်သန်း ၆၀၀ အထိရှိကြောင်း ထုတ်ပြန်သွားခဲ့သည်။
ကိုကလင်း
Ref: amarintv
#MeKongNews
#TeeYai888
#လောင်းကစားဂိုဏ်း
#ထိုင်းထောက်လှမ်းရေး
#ဆိုင်ဘာမှုခင်းနှိမ်နင်းရေး
#အွန်လိုင်းလောင်းကစား
