မဲခေါင်၊ မတ် ၁၇

အီရန်ကျောထောက်နောက်ခံပေး ဟူသီအဖွဲ့ကို ပြတ်သားပြီးပြင်းထန်သည့် တိုက်ခိုက်မှုပြုလုပ်သည်ဟု အမေရိကန်သမ္မတ ဒေါ်နယ်ထရမ့်က ရုပ်သံမှ မိန့်ခွန်းတွင် ထည့်သွင်းပြောဆိုကာ အီရန်အနေဖြင့် ဟူသီအဖွဲ့ကို ထပ်မံ ထောက်ပံ့ပေးခြင်းများမလုပ်ရန် သတိပေးပြီး ယီမင်းနိုင်ငံထဲ ပစ်ခတ်တိုက်ခိုက်မှု များစွာပြုလုပ်ခဲ့သည်။

၅၃ ယောက်သေဆုံးခဲ့သည့် တိုက်ခိုက်မှုအပြီး အီရန်အစောင့်တပ် တပ်ချုပ်ဖြစ်သူ ဟော့ဆိန်းဆလာမီ က အီရန်သည် စစ်မလိုလားသော်လည်း ခြိမ်းခြောက်လာလျှင် သင့်လျှော်၊ ပြတ်သား၊ ခိုင်လုံသော တုံ့ပြန်တိုက်ခိုက်မှုများပြုလုပ်သွားရမည်ဟု ထုတ်ပြန်သွားခဲ့သည်။

ဆလာမီက ဟူသီအဖွဲ့ကို ယီမင် နိုင်ငံကိုယ်စားပြုအဖြစ် ထည့်သွင်းပြောဆိုသလို ထိုအဖွဲ့သည် လွတ်လပ်သော မဟာဗျူဟာ စစ်ဆင်ရေးဆုံးဖြတ်ချက်များ ဖော်ဆောင်နေသည့်အဖွဲ့ဟုလည်း ထောက်ခံပြောဆိုခဲ့သည်။

၂၀၂၀ ဇန်နဝါရီလတုန်းကလည်း ပထမအကြိမ် အမေရိကန်သမ္မတ သက်တမ်းကာလအတွင်း ဒေါ်နယ် ထရမ့်သည် ဘဂ္ဂဒက်တွင် အီရန်အစောင့်တပ် နိုင်ငံခြားရေးရာ တပ်ချုပ် ကာဆမ်ဆူလီမာနီကို ဒရုန်းဖြင့် လုပ်ကြံသတ်ဖြတ်ခဲ့သေးပြီး ရက်ပိုင်းအကြာတွင် အီရန်ဘက်က အီရတ်ရှိ အမေရိကန်နှင့်မဟာမိတ်များ၏ စခန်းကို ဒုံးကျည်များဖြင့် ပစ်ခတ်တိုက်ခိုက်လက်စားချေရာတွင် အမေရိကန်စစ်သား သေဆုံးမှု မရှိခဲ့သော်လည်း ဒါဇင်နှင့်ချီပြီး ဒဏ်ရာရသလို ဦးနှောက်ဒဏ်ရာများ ရရှိခဲ့သည်။

အီရန်နိုင်ငံခြားရေးဝန်ကြီး ပြောရေးဆိုခွင့်ရှိသူ အစ္စမေးလ်ဘက်ကာအီက ယီမင်နိုင်ငံအတွင်း အရပ်သားများစွာ သေဆုံးခဲ့ရသော အမေရိကန်၏ လေကြောင်းတိုက်ခိုက်မှုသည် U.N. Charter ကို ဆိုးရွားစွာ ချိုးဖောက် အကြမ်းဖက်ခြင်းဖြစ်သည်ဟု အပြင်းအထန် ရှုတ်ချခဲ့သည်။

ပါလက်စတိုင်းများဖြင့် ဖွဲ့စည်းထားသည့် ဟူသီအဖွဲ့သည် ဆယ်စုနှစ်တစ်ခုကျော်ကာလအတွင်း ယီမင်နိုင်ငံ နေရာအများအပြားကို ထိန်းချုပ်ထားကာ အစ္စရေးနှင့် အမေရိကန်တို့ကို ဆန့်ကျင်တော်လှန်နေကာ အီရန်က အဓိက ထောက်ပံ့ထိန်းချုပ်ထားသော လက်နက်ကိုင်တပ်လည်း ဖြစ်သည်။

Ref: thehindu
ကိုကလင်း
#MeKongNews
#ထရမ့်
#စစ်မလိုလား
#အီရန်
#တုံ့ပြန်
#အမေရိကန်

(လွတ်လပ်သည့် မီဒီယာအဖြစ် ရေရှည်ရပ်တည်နိုင်ရေး သင်တို့အကူအညီလိုအပ်နေပါသည်။ ဤနေရာတွင် www.mekongnewsmm.com/donation နှိပ်၍ လှူဒါန်းနိုင်ပါသည်)