ယူကရိန်းမှ မြေရှားသတ္တု ဒေါ်လာဘီလီယံ ၅၀၀ တန် သဘောတူစာချုပ် ဇီလန်းစကီး လက်မှတ်ထိုးဖွယ်ရှိဟု ထရမ့်ဖွင့်ဟ၊ နေတိုးအဖွဲ့ထဲ ယူကရိန်းဝင်နိုင်ရေး မေ့လိုက်ဟု ဆိုပြန်
မဲခေါင်၊ ဖေဖော်ဝါရီ ၂၈
ဖေဖော်ဝါရီ ၂၈ ရက်တွင် ယူကရိန်းသမ္မတ ဇီလန်းစကီးနှင့် အမေရိကန်သမ္မတ ဒေါ်နယ်ထရမ့်တို့ ဝါရှင်တန်ဒီစီ၌ တွေ့ဆုံရန်စီစဉ်ထားပြီး ထိုတွေ့ဆုံမှုမတိုင်ခင်မှာပင် ဇီလန်းစကီးဘက်က ယူကရိန်းတွင် မြေရှားသတ္တု အပါ တခြားသော တွင်းထွက်ပစ္စည်း ဒေါ်လာ ဘီလီယံ ၅၀၀ ဖိုး ထုတ်ရောင်းပေးမည့် စာချုပ် လက်မှတ်ရေးထိုးဖွယ် ရှိသည်ဟု ထရမ့်က ပြောကြားသွားခဲ့သည်။
လက်ရှိတွင် ရုရှားနှင့် ယူကရိန်း ငြိမ်းချမ်းရေးတည်ဆောက်ရန် ဒေါ်နယ်ထရမ့်သည် ရုရှားနှင့်သာ တွေ့ဆုံကာ ကိုယ်စားလှယ်အဖွဲ့များစေလွှတ်ပြီး ယူကရိန်းကိုမူ ခေါ်ယူခြင်းမရှိဘဲ ငြိမ်းချမ်းရေးအဆို ရုရှားဘက်တင်ပြမှု အတွက် ဝေဖန်မှုများမြင့်တက်နေသည်။
ထို့အပြင် အမေရိကန်သည် ဂျိုးဘိုင်ဒန်လက်ထက်က ယူကရိန်းထံ စစ်ရေးအထောက်အပံ့အများဆုံးပေးခဲ့ရသော နိုင်ငံဖြစ်နေသည့်အတွက် ဆက်လက် ထောက်ပံ့မှုများ ရှိနိုင်ရေး နှင့် ငြိမ်းချမ်းရေးရရေး ယူကရိန်းမြေပေါ်မှာ သဘာ၀သယံဇာတများ ဒေါ်လာ ဘီလီယံ ၅၀၀ ဖိုးကို အမေရိကန် ထံ ထူးဖော်ထုတ်လုပ်ခွင့်ပြုရန် တောင်းဆိုထားခြင်းဖြစ်သည်။
ဖေဖော်ဝါရီ ၁၆ ရက်နေ့က ထရမ်သည် အစိုးရအဖွဲ့အစည်းအဝေး၌ မြေရှားသတ္တုသိုက် တူးဖော်ထုတ်လုပ်ခွင့် ရရေး ယူကရိန်းသမ္မတ ဇီလန်းစကီးသည် မိမိနှင့် ဝါရှင်တန်၌ လာရောက်မတွေ့ဆုံမီမှာပင် သဘောတူလက်မှတ် ရေးထိုးလာဖွယ်ရှိကြောင်း၊ ထိုစာချုပ်သည် အမေရိကန်အကျိုးစီးပွားအတွက် အလွန်အမင်း ကြီးမားသော အကျိုးစီးပွားကို ဖြစ်ထွန်းစေမည်ဖြစ်သလို ယူကရိန်းအတွက်လည်း အကျိုးရှိမည်ဖြစ်ကြောင်း ပြောကြားသွားခဲ့ ခြင်းဖြစ်သည်။
မြန်မာနိုင်ငံမှ အဓိကထုတ်လုပ်အသုံးပြုသော မြေရှားသတ္တု၏ ကမ္ဘာ့စျေးကွက်ကြီးကို တရုတ်က အဓိက ချုပ် ကိုင်ထားရာ အမေရိကန်သည် တရုတ်နှင့် မဟာစီးပွားရေးပြိုင်ဘက်ဖြစ်နေသည့်အတွက် ယူကရိန်းထံမှ မြေရှား သတ္တုသိုက် တူးဖော်အသုံးပြုနိုင်လျှင် များစွာအကျိုးရှိမည်ကို ထရမ့်နှင့် အတိုင်ပင်ခံတစ်ဦးဖြစ်သော အီလွန်မာ့ခ် တို့က ကြိုတင်တွက်ချက်ထားပြီးသားဖြစ်သည်။
ဇီလန်းစကီးဘက်မှ အဆိုပါ မြေရှားထုတ်လုပ်ခွင့်ပေးမည့် သဘောတူစာချုပ် ချုပ်ပေးခဲ့လျှင်ပင် ဒေါ်နယ်ထရမ့်က ယူကရိန်းအနေဖြင့် နေတိုးအဖွဲ့ဝင်နိုင်ငံအဖြစ် ဝင်ရောက်ခွင့်အတွက် လုံး၀မမျှော်လင့်ထားနိုင်ကြောင်း၊ ထိုသို့မျှော်လင့်ခဲ့သည့်အတွက်သာ ရုရှားက ယူကရိန်းကို ကျူးကျော်သည် စစ်ပွဲ ဖြစ်တည်လာရခြင်းဖြစ်သည်ဟု အစိုးရအစည်းအဝေး၌ ပြောဆိုသွားခဲ့သည်။
Ref:Thesun
ကိုကလင်း
#MeKongNews
