၂၁ နှစ်အရွယ် တရုတ်အမျိုးသမီးကို မြ၀တီကျားဖြန့်ကနေ ထိုင်း ကယ်ထုတ်ခဲ့ရပြန်
မဲခေါင်၊ ဇန်နဝါရီ ၁၄
ဇန်နဝါရီ ၆ ရက်နေ့မှာ ထိုင်းနိုင်ငံကို ရောက်ရှိလာခဲ့ပြီးနောက် အဆက်အသွယ်ပြတ်သွားခဲ့တဲ့ ၂၁ နှစ်အရွယ် တရုတ်အမျိုးသမီးကို ထိုင်းနိုင်ငံ ကလေး၊ အမျိုးသမီး၊ မိသားစုနဲ့ လူမှောင်ခိုကာကွယ်ရေးစင်တာ ဦးဆောင်တဲ့အဖွဲ့က ကယ်ထုတ်ပြီး တရုတ်နိုင်ငံဆီ ပြန်ပို့ပေးခဲ့ပြီ ဖြစ်ကြောင်း သိရှိရပါတယ်။
ပြီးခဲ့တဲ့ ရက်ပိုင်းကမှ ကယ်တင်လိုက်နိုင်တဲ့ တရုတ်နာမည်ကြီး သရုပ်ဆောင် ဝမ်ဇင်းကို လိမ်လည် ခေါ်ဆောင်သွားတဲ့ အဖွဲ့ကပဲ လိမ်လည်ခေါ်ယူခဲ့တာဖြစ်ပြီး ထိုင်းနိုင်ငံ ဒွန်မောင်းလေဆိပ်ကို ရောက်ချိန် ဇန်နဝါရီ ၆ ရက်က WeChat မှာ မိခင်ဖြစ်သူနဲ့ အဆက်အသွယ်ရသေးကြောင်း၊ ဟိုတယ်တစ်ခုမှာ Check In ဝင်ပြီး အဲဒီမနက် ၉ နာရီမှာပဲ ကားတစ်စီး က လာခေါ်သွားပြီးနောက် အဆက်အသွယ်မရတော့တာပါ။
၀ူကျားကျီဟာ မကြာသေးခင်ကမှ ဘွဲ့ရခဲ့သူဖြစ်ပြီး ပြည်ပနိုင်ငံတွေကို ပထမဆုံး ခရီးသွားခဲ့တာဖြစ်ကာ သူမနဲ့ အတူ အွန်လိုင်းမှာ တစ်လအကြာက သိခဲ့ပြီး အတူတူ လူမှောင်ခိုကူးခံရတဲ့ သူငယ်ချင်းကိုလည်း တစ်ပါတည်း ကယ်ထုတ်နိုင်ခဲ့ကြောင်း ထိုင်းရဲတပ်ဖွဲ့က ထုတ်ပြန်ပေမယ့် တခြားအသေးစိတ်အချက်အလက်တွေကိုတော့ ဘာမှ ထုတ်ပြန်ခဲ့ခြင်းမရှိခဲ့ပါဘူး။
Ref: Thai Enquirer
MKF-001
#MeKongNews
