ထိုင်းဆိုက်ဘာရဲတပ်ဖွဲ့နဲ့ FBI ပူးပေါင်းပြီး ကျားဖြန့်လုပ် လိမ်လည်သွားသူကို ဖမ်းဆီး
မဲခေါင်၊ ဒီဇင်ဘာ ၄
အမေရိကန်နိုင်ငံသူ သက်ကြီးအမျိုးသမီးကြီးတစ်ဦးထံက ဒေါ်လာ ၄၈၀၀၀ ကို ကျားဖြန့်လုပ် လိမ်လည်သွားတဲ့ အိန္ဒိယနိုင်ငံသားကို ထိုင်းဆိုက်ဘာရဲတပ်ဖွဲ့နဲ့ အမေရိကန် FBI အေးဂျင့်တွေ ပူးပေါင်းပြီး ဒီဇင်ဘာ ၂ ရက်က ဖမ်းဆီးနိုင်ခဲ့ကာ ဘဏ်မှာ အပ်ထားတဲ့ လိမ်လည်ငွေတွေကိုပါ အချိန်မီ ပြန်သိမ်းဆည်းရမိပြီး ပိုင်ရှင်ထံ ပြန်လည် အပ်နှံနိုင်ခဲ့ပါတယ်။
လိမ်လည်မှုဟာ ၂၀၂၄ ဇန်နဝါရီ ၁၀ ရက်နေ့က စတင်တာဖြစ်ပြီး အမေရိကန်သူ အမျိုးသမီးကြီးဟာ မိုက်ခရိုဆော့ဖ်အကောင့်ကို Log in ဝင်ရာမှာ အခက်ကြုံနေတဲ့အတွက် Google မှာ မိုက်ခရိုဆော့ဖ်အကူအညီ တောင်းခြင်း စာသားနဲ့ ရိုက်ရှာခဲ့ရာက အွန်လိုင်းပေါ်မှာ အကူအညီပေးမယ့်သူအဖြစ် ဟန်ဆောင်ထားတဲ့ အယုဒ္ဓယအခြေစိုက် အိန္ဒိယနိုင်ငံသား ကျားဖြန့်ရာဇဝတ်သားဆီ ဖုန်းဆက်တော့ ကွန်ပျူတာမှာ အသုံးပြုဖို့ ဆော့ဖ်ဝဲလ်တစ်ခုတင်ခိုင်းရာက email ကို ဝင်ရောက်နိုင်ခဲ့ပြီး ဝန်ဆောင်ခပြန်အမ်းငွေ ၄၉ . ၉၉ ဒေါ်လာ ပြန်ပို့ ပေးဖို့ ဦးစွာပြောကြားခဲ့ပါတယ်။
ဒီငွေပို့ရာမှာ မှားယွင်းပြီး ဒေါ်လာ ၄၉၉၉၉ ပို့မိလို့ သူအလုပ်လုပ်တဲ့ မိုက်ခရိုဆော့ဖ်ကုမ္ပဏီက ဒီငွေမှားပို့မှု မဖြေရှင်းနိုင်ရင် အလုပ်ပြုတ်ရမယ့်အကြောင်း အိန္ဒိယသားလေသံနဲ့ လိမ်လည်ပြောဆိုမိတာကို အမျိုးသမီးကြီးက အဟုတ်ထင်မှတ်ပြီး ငွေလွှဲပေးလိုက်ရာက ဒီလိမ်လည်မှု ဖြစ်ပွား ခဲ့တာဖြစ်ပါတယ်။
ဒါကြောင့် ထိုင်းဆိုက်ဘာမှုခင်းရဲတပ်ဖွဲ့နဲ့ ဘန်ကောက်အမေရိကန်သံရုံးက FBI လျှို့ဝှက်ထောက်လှမ်းရေး အေးဂျင့်တွေပေါင်းပြီး စုံစမ်းဖော်ထုတ်ရာက အက်စ်ဝါနီကူးမားဆင်းဆိုတဲ့ အယုဒ္ဓယမြို့နေ အိန္ဒိယနိုင်ငံသားနဲ့ လိမ်လည်ရာမှာ အသုံးပြုတဲ့ လျှပ်စစ်ပစ္စည်းတွေ၊ ATM ကတ်တွေကို သိမ်းဆည်းရမိခဲ့တာဖြစ်ပါတယ်။
Ref: khaosodenglish
MKF-001
#MeKongNews
